ކޮވިޑަށް ޕޮޒިޓިވްވި 13 ބިދޭސީން ލީލީގެ ޑެލިވަރީތަކުގައި ވެސް އުޅުނު
19 އެޕްރީލު 2020 | އާދީއްތަ 11:00މާލެސިޓީން 17 ބިދޭސީން ވަނީ ކޮވިޑް-19 އަށް ޕޮޒިޓިވްވެފައި
އައިޖީއެމްއެޗް ލެބޯޓްރީގައި ކޮރޯނާވައިރަސް އަށް ޓެސްޓްތައް ހަދަނީ
ކޮވިޑް-19 އަށް ޕޮޒިޓިވްވި 13 ބިދޭސީންނަކީ ލީލީ އެންޓަޕްރައިޒަސްގެ ފިހާރައިގެ އިތުރުން ކުންފުނީގެ ޑެލިވަރީތަކުގައި ވެސް ހަރަކާތްތެރިވި ފަރާތްތައް ކަމަށް ސަރުކާރުން ބުނެފިއެވެ.
އާދިއްތަ ދުވަހު ނޭޝަނަލް އެމަރޖެންސީ އޮޕަރޭޝަންސް ސެންޓަރ (އެންއީއޯސީ) ގައި ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަމުން ޑރ. ނަޒްލާ ރަފީޤް ވިދާޅުވީ އެކަމާއި ގުޅޭ ކޮންޓެކްޓް ޓްރޭސިންގ ގެ މަސައްކަތްތައް ކުރިއަށްދާ ކަމަށެވެ.
ނޫސްވެރިންގެ ބައްދަލުވުމުގައި ވާހަކަ ދައްކަވަމުން ޓާސްކް ފޯހުގެ ތަރުޖަމާނު މަބްރޫކް އަޒީޒް ވިދާޅުވީ އެ 13 މީހުންނަކީ ވެސް އެއް ގެއެއްގެ ދެ ފްލޯގައި ދިރިއުޅެމުންދިޔަ މީހުން ކަމަށާއި އެ އެކޮމަންޑޭޝަން ބްލޮކް މިހާރު މޮނީޓަރިންގގެ ހާލަތަށް ގެނެވިފައިވާ ކަމަށެވެ.
އާދިއްތަ ދުވަހު އެކަނި 16 ބިދޭސީން ކޮވިޑް-19 އަށް ޕޮޒިޓިވްވެފައިވާއިރު މުޅި ޖުމްލަ މާލެސިޓީން 17 ބިދޭސީން ވަނީ މި ވައިރަސް އަށް ޕޮސިޓިވްވެފައެވެ.
މިދުވަސްވަރު ރައްކާތެރިކަމުގެ ފިޔަވަޅު އެޅުމަށް ކަމާބެހޭ އިދާރާތަކުން ދަނީ ތަކުރާރުކޮށް އިލްމާސް ކުރަމުންނެވެ.
