މަގުމަތީގައި އުޅޭ މީހުންނަށް ހަރުކަށި ފިޔަވަޅު އަޅަން ފަށައިފި
ފުލުހުން މީގެ ކުރިން ބުނެފައިވަނީ މަގުމައްޗަށް ނިކުމެ އުޅޭ މީހުން ކަރަންޓީނަށް ގެންދެވޭނެ ކަމަށް
މާލޭގެ މަގު މަތީގައި ފުލުހުން ހަރަކާތްތެރިވަނީ
މާލޭ މަގުމަތީގައި ނިކުމެ އުޅޭ ފަރާތްތަކާއި މެދު ހަރުކަށި ފިޔަވަޅު އަޅަން ފުލުހުން ފަށައިފިއެވެ.
ފުލުހުންގެ އިދާރާއިން ވަނީ، ހުރިހާ ފަރާތްތަކެއްވެސް ގޭގައި މަޑުކުރުމަށް އިލްތިމާސްކޮށްފައެވެ.
އެކަމާއި ގުޅޭގޮތުން މައުލޫމާތު ހޯދާލުމަށް ފުލުހުންނަށް ގުޅާލުމުން ފުލުހުންގެ މީޑިއާ އޮފިޝަލް ވިދާޅުވީ، އެ މައުލޫމާތު ފަހުން ހިއްސާކުރައްވާނެ ކަމަށެވެ.
މާލެއިން ކޮވިޑް-19 ގެ ކޭސްތަކެއް ފެނުމާއި ގުޅިގެން މާލެ ވަނީ ލޮކްޑައުން ކޮށްފައެވެ. ލޮކްޑައުން ކޮށްފައިވާއިރު ބޭރަށް ނިކުމެ އުޅުމަކީ މަނާކަމެކެވެ. ނަމަވެސް އެއްވެސް ބޭނުމެއް ނެތި މަގުމަށްޗަށް ނިކުމެ އުޅޭ މީހުންގެ އަދަދު މަދެއް ނުވެއެވެ. އަދި ގޯޅިތަކުގައިއާ ކަންމަތީގައި ތިބޭ މީހުންގެ އަދަދުވެސް ގިނައެވެ.
ފުލުހުން މީގެކުރިން ބުނެފައިވާގޮތުން ޒަރޫރީ ބޭނުމެއްނެތި މަގުމަތީގައި ތިބޭ މީހުން ކަރަންޓީނަށް ގެންދެވޭނެއެވެ.
