ކާބޯތަކެތީގެ ޝިޕްމަންޓެއް ރާއްޖެއަށް ގެނެސްފި
16 އެޕްރީލު 2020 | ބުރާސްފަތި 07:21އެމްވީ.މިންނަތް ކޯރގޯ ބޯޓު މާލެއަށް ބަނދަރުކުރީ މިމަހުގެ 14ގައި
މާލޭ ވިޔަފާރި ބަނދަރު ސަރަހައްދު
ރާއްޖެއަށް ކާބޯތަކެތީގެ ޝިޕްމެންޓެއް ގެނެސްފިއެވެ.
މޯލްޑިވްސް ޕޯޓްސް ލިމިޓެޑުން ބުނީ މިމަހުގެ 14 ވަނަ ދުވަހު އެމްވީ.މިންނަތް ކާގޯ ބޯޓު މާލެއަށް ބަނދަރުކޮށްފައިވާ ކަމަށެވެ.
ރާއްޖެއަށް މިގެނެވުނު ޝިޕްމެންޓްގައި 2790 ބިސް ކޭސް, 1886 ފިޔާ ބަސްތާ، 900 އަލުވި ބަސްތާ، 615 ކެބެޖް ބަސްތާ، 464 ދޮންކެ ޔޮގަނޑު، 576 ޓޮމާޓޯ ފޮށި، 540 ކަރާ ބަސްތާ އަދި 140 ބަރަބޯ ބަސްތާ ހިމެނޭކަމަށް އެމްޕީއެލުން ބުނެއެވެ.
ކޮވިޑް-19 އާއި ގުޅިގެން ގިނަ ގައުމުތަކެއްގެ ބޯޑުރުތައް ބަންދުކޮށް، އުދުހުންތައް ހުއްޓާލާފައިވާ ދަނޑިވަޅެއްގައި ގައުމީ އެއަރލައިން މޯލްޑިވިއަނުން ވެސް އަންނަނީ ޗާޓާ ފުލައިޓްތަކުގެ ކާގޯ ގެނައުމުގެ މަސައްކަތް ކުރަމުންނެވެ.
ރާއްޖޭގެ އިގްތިސާދު ބޮޑު ހީނަރުކަމެއް އައިނަމަވެސް ރައްޔިތުންނަށް ބޭނުންވާ ވަރަށް ކާބޯތަކެތި އެބަހުރި ކަމަށާއި، ކާބޯތަކެއްޗަށް ނުޖެހޭނެކަމުގެ ޔަގީންކަން ސަރުކާރުން ވަނީ ދީފައެވެ. އަދި މިދަނޑިވަޅުގައި ކާބޯތަކެތި އަގުބޮޑު ނުކުރުމަށާއި، ގުދަން ނުކުރުމަށް ވެސް ސަރުކާރުން އިލްތިމާސްކޮށްފައިވެއެވެ.
