މާލޭގައި މަގުމަތިވެފައިތިބި 24 މީހަކަށް އެހީތެރިކަން ފޯރުކޮށްދީފި
16 އެޕްރީލު 2020 | ބުރާސްފަތި 00:24އެފަރާތްތަކަށް ވަގުތީ ހިޔާ ފޯރުކޮށްދީފައިވާކަމަށް
ފުލުހުން އެހީތެރިކަން ފޯރުކޮށްދެނީ
މާލޭގައި މަގުމަތިވެފައިތިބި 24 މީހަކަށް މޯލްޑިވްސް ޕޮލިސް ސަރވިސް އިން އެހީތެރިކަން ފޯރުކޮށްދީފައިވެއެވެ.
މާލެ އިން ކޮވިޑް-19 ގެ ކޭސްއެއް ފެނުމާއި ގުޅިގެން މާލެ ސަރަހައްދު ލޮކްޑައުންކޮށްފައިވާއިރު ފުލުހުން ކުރި ޓުވީޓެއްގައި ބުނީ މަގުމަތިވެފައިވާ 24 މީހަކަށް ވަގުތީ ހިޔާ ފޯރުކޮށްދީފައިވާކަމަށެވެ. އެފަރާތްތަކަށް ވަގުތީ ހިޔާތަށް ހަމަޖައްސާފައިވަނީ ސަރުކާރާއި މޯލްޑިވްސް ރެޑް ކްރެސެންޓާއި ގުޅިގެން ކަމަށެވެ. އަދި އެފަރާތްތަކަށް ކާބޯތަކެތި ފޯރުކޮށްދިނުމުގެ މަސައްކަތް ކުރަމުންދާކަމަށް ވެސް ފުލުހުން ބުންޏެވެ.
ޒަރޫރީ އެކިއެކި ކަންކަމުގައި ފުލުހުންގެ އެހީތެރިކަން ހޯދުމަށް ފުލުހުންގެ ސިޗުއޭޝަން ރޫމްގެވެބްސައިޓްމެދުވެރިކޮށް ރިކުއެސްޓު ފޮނުވުމަށް ވަނީ އިލްތިމާސްކޮށްފައެވެ.
މި ދަނޑިވަޅުގައި ދިމާވާ އުނދަގޫތަކަށް ލުއި ފަސޭހަކަން ފޯރުކޮށްދިނުމަށް ސަރުކާރުންގިނަ މަސައްކަތްތަކެއް ކުރަމުންދާއިރު މާލެ ސަރަހައްދުގައި ދިރިއުޅޭ މީހުންނަށް ލޮކްޑައުންގެ ހާލަތުގައި ޒަރޫރީ ބޭނުންތަށް ފޯރުކޮށްދެވޭނެ އިންތިޒާމް ވަނީ ހަމަޖައްސާފައެވެ.
