ފްރާންސް ލޮކްޑައުންކޮށްފައި އޮތް މުއްދަތު މެއި މަހުގެ 11 ވަނަ ދުވަހާ ހަމައަށް އިތުރުކޮށްފި

ކޮވިޑް-19 ފެތުރުން ކޮންޓްރޯލްކުރުމަށް ފްރާންސް ލޮކްޑައުންކޮށްފައި އޮތް މުއްދަތު މެއި މަހުގެ 11 އާ ހަމައަށް އިތުރުކޮށްފައިވާ ކަމަށް އެޤައުމުގެ ރައީސްފްރާންސްގެ ރައީސްއެމަނުއަލް މެކްރޮން ވިދާޅުވެއްޖެއެވެ.

މަރޗް މަހުގެ 17 ވަނަ ދުވަހުން ފެށިގެން ފްރާންސް ލޮކްޑައުންގައި އޮތްއިރު މިހާތަނަށް އާއިރު ފްރާންސަކީ ދުނިޔޭގައި 4 ވަނަ އަށް މިވައިރަސް އެންމެ ގިނަ މީހުންނަށް ޖެހިފައިވާ ގައުމެވެ. އެގައުމުގެ 136,779 މީހުންނަށް ވައިރަސް ޖެހިފައިވާއިރު ވައިރަސް ޖެހިގެން މަރުވި މީހުންގެ އަދަދު ވަނީ 14,967 އަށް އަރާފަ އެވެ.

ފްރާންސް ލޮކްޑައުންކޮށްފައި އޮތްއޮތުން ކުރިން އޮތްގޮތުންނަމަ އަންގާރަ ދުވަހު ނިމުމަކަށް އަންނާނެއެވެ. ނަމަވެސް ލޮކްޑައުންގެ މުއްދަތު އިތުރުމިކުރީ ވައިރަސް ފެތުރުން ކޮންޓްރޯލް ކުރުމުގެ ގޮތުންކަމަށް އެގައުމުގެ ރައީސް ވިދާޅުވި އެވެ. މެކްރޮން ވިދާޅުވީ ފްރާންސް އާންމު ހާލަތަށް ރުޖޫޢުވާނެ ދުވަހަކީ ކޮބައިތޯ ކުރާ ސުވާލަށްދޭނެ ޖަވާބެއް ނެތްކަމަށެވެ. މިހާރު އަމަލުކުރަމުންދާ އުސޫލުތަކުގެ ސަބަބުން ވައިރަސް ފެތުރުން ކޮންޓްރޯލް ކުރެވިގެންދާކަމަށް މެކްރޮން ވިދާޅުވި އެވެ.

ފިހާރަތަކާއި ސްކޫލްތައް ހުޅުވާނީ މެއި މަހުގެ 11 ވަނަ ދުވަހުކަމަށް މެކްރޮން ވިދާޅުވި އެވެ. ނަމަވެސް ރެސްޓޯރެންޓްތަކާއި ހޮޮޓާތަކާއި ކެފޭތައް އަދި ސިނަމާތައް ބަންދުކޮށްފައި އޮތްއޮތުން އެއަށްވުރެ އިތުރުކުރާނެކަމަށް މެކްރޮން ވިދާޅުވި އެވެ. އަދި ޔޫރަޕް ނޫން ގައުމުތަކުން އަންނަ ފްލައިޓްތައް އައުން މަނާކޮށްފައި އޮތްއޮތުން އެގޮތުގައި އޮންނާނެކަމަށްވެސް މެކްރޮން ވިދާޅުވި އެވެ.

ފްރާންސްގައި މާސްކާއި ޓެސްޓިންގ ކިޓް އެކަށީގެންވާ ވަރަށް ނެތުމުގެ ސަބަބުން ފްރާންސްގެ ރައީސް މެކްރޮން އާއި އޭނާގެ ސަރުކާރަށް ގިނަ ބައެއްގެ ފާޑުކިޔުން އަމާޒުވެފައިވާއިރު މެކްރޮން ވިދާޅުވީ މެއި މަހުގެ 11 ވަނަ ދުވަހާ ހަމައަށް އަންނައިރު ފްރާންސްގައި ކޮވިޑް-19 ގެ އެއްވެސް އަލާމާތެއް ހުރި މީހަކު ހުރެއްޖެނަމަ އެމީހަކު ޓެސްޓް ކުރެވޭ ހިސާބަށް ކަންކަންދާނެ ކަމަށެވެ. އަދި އާންމުންނަށް މާސްކު ލިބޭވަރު ވެގެންދާނެކަމަށް މެކްރޮން ވިދާޅުވި އެވެ.

މީގެއިތުރުން މެކްރޮން ވިދާޅުވީ މިހަފްތާތެރޭގައި ފްރާންސްގެ ކިޔަވާކުދިންނާއި އާއިލާތަކަށް ބޭނުންވާ މާލީ އެހީތެރިކަމުގެ ކަންކަމާއި ބެހޭ ޕްރޮގްރާމް ހިއްސާކުރާނެ ކަމަށެވެ.

މެކްރޮންގެ ވާހަކަފުޅުގައި ވަނީ ފްރާންސް މިވައިރަސް އިން ރައްކާތެރިވުމަށް އަޅަންޖެހޭވަރަށް އެކަށީގެންވާ ފިޔަވަޅުތައް އެޅިފައިނުވާކަމަށް ވިދާޅުވެފައެވެ.