އީމެއިލް އަދި ފޯނު މެދުވެރިކޮށް ގައިދީންގެ އާއިލާގެ ފަރާތުން ޝަކުވާ ހުށައެޅޭ އިންތިޒާމް ހަމަޖައްސައިފި
9 އެޕްރީލު 2020 | ބުރާސްފަތި 16:51ސިޓީ މެދުވެރިކޮށް ވެސް ޝަކުވާ ހުށަހެޅޭނެ
ގައިދީންނާއި މިނިސްޓަރު އިމްރާން ބައްދަލުކުރައްވަނީ
އީމެއިލް އަދި ފޯނު މެދުވެރިކޮށް ގައިދީންނާއި ބަންދުގައި ބައިތިއްބާފައި ތިބޭ މީހުންނަށް އާއިލާގެ ފަރާތުން ޝަކުވާ ހުށައެޅޭ އިންތިޒާމް ހޯމް މިނިސްޓްރީން ހަމަޖައްސައިފިއެވެ.
ހޯމް މިނިސްޓްރީން ބުނީ ސިއްހީ ކުއްލި ނުރައްކަލުގެ ހާލަތު އިއުލާން ކުރެއްވުމާ ގުޅިގެން، ސަރުކާރުގެ އޮފީސްތައް އާންމު އުސޫލުން ނުހުޅުވުމަށް ރައީސުލްޖުމްހޫރިއްޔާ ނިންމަވާފައިވާތީ، މިޙާލަތުގައި "ދިވެހިރާއްޖޭގެ ޖަލުތަކާއި ޕެރޯލްގެ ގާނޫނު" ގެ 9 ވަނަ މާއްދާގެ (ހ) ގެ ދަށުން އައްޔަންކުރައްވާފައިވާ އިންސްޕެކްޓަރ އޮފް ކަރެކްޝަނަލް ސަރވިސްއަށް، އެގާނޫނުގެ 10 ވަނަ މާއްދާގެ ދަށުން ގައިދީންނާއި ބަންދު މީހުންނަށް އީމެއިލްގެ ޒަރީއާއިންނާއި، ފޯނުގެ ޒަރީޔާއިން ޝަކުވާ ހުށަހެޅުމުގެ ފުރުސަތު ފަހިކޮށްދީފައިވާ ކަމަށެވެ.
ހޯމް މިނިސްޓްރީން ބުނީ ގައިދީންނާއި، ބަންދު މީހުން ކުރިންވެސް ޝަކުވާ ހުށަހަޅަމުން އައިގޮތަށް، ސިޓީ މެދުވެރިކޮށް ވެސް ޝަކުވާ ހުށަހެޅޭނެ ކަމަށެވެ. ޝަކުވާ ހުށަހަޅާނީ އީމެއިލް މެދުވެރިކޮށްނަމަinspectorate@homeaffairs.gov.mvއަދި ފޯނުންނަމަ 9421111 ގުޅައި ނުވަތަ މެސެޖްކޮށްގެންނެވެ. ފޯނުން ޝަކުވާ ހުށަހަޅުއްވާނީ ރަސްވީ ދުވަސްތަކުގައި ހެނދުނު 9 ން މެންދުރު 2:00 އަށް ކަމަށް މިނިސްޓްރީން ބުނެއެވެ.
