ފިނޭންސް މިނިސްޓްރީން ހަފްތާއަކު ދެދުވަހު ޕޭމަންޓްތައް ޕްރޮސެސްކުރުމުގެ ކަންކަން ކުރިޔަށް ގެންދާނެ
3 އެޕްރީލު 2020 | ހުކުރު 04:53ބަނޑޭރި ޕޯޓަލް އިން މައުލޫމާތު ލިބޭނެ
ފިނޭންސް މިނިސްޓަރ އިބްރާހިމް އަމީރު
އިތުރު ހަފްތާއަކަށް ސަރުކާރު ބަންދު ކޮށްފައިވާއިރު ހަފްތާއަކު ދެ ދުވަހު ޕޭމެންޓުތައް ޕްރޮސެސް ކުރުމުގެ މަސައްކަތް ކުރިއަށްދާނެ ކަމަށް ފިނޭންސް މިނިސްޓްރީން ބުނެފިއެވެ.
ފިނޭންސް މިނިސްޓްރީން ނިންމި ނިންމުމާއި ގުޅިގެން ވާހަކަދައްކަވަމުން ނެޝަނަލް އިމަރޖެންސީ އޮޕަރޭޝަން ސެންޓަރ (އެންއީއޯސީ) ގެ ތަރުޖަމާނު މަބްރޫކް އަޒީޒް ވިދާޅުވީ ހަފްތާއަކު ދެ ދުވަހު ޕޭމެންޓުތައް ޕްރޮސެސް ކުރުމުގެ މަސައްކަތް ކުރިއަށްދާނެ ކަމަށް ފިނޭންސް މިނިސްޓްރީން ބުނެފައިވާކަމަށެވެ.
އަދި މިކަމާއި ގުޅޭ މައުލޫމާތު ބަނޑޭރި ޕޯޓަލް އިން ލިބޭނެ ކަމަށާއި ބަނޑޭރި ޕޯޓަލްގައި ޖަހަންޖެހޭނީ އެމީހެއްގެ ވެންޑަރ ނަންބަރުކަމަށެވެ. އަދި ވެންޑަރ ނަންބަރު ނޭންގޭކަމަށްވާނަމަ އެބަޔަކަށް ލިބިފައިވާ ޕާޗޭސް އޯޑަރުތަކުގައި ވެންޑަރ ނަންބަރު ލިޔެފައި އޮންނާނެކަމަށްވެސް މަބްރޫކް ވިދާޅުވި އެވެ.
ކޮވިޑް-19 އާ ގުޅިގެން ރާއްޖޭގެ އިގްތިސާދަށް އައިސްފައިވާ ހީނަރުކަމުން އަރައިގަތުމަށް ވިޔަފާރިތަކަށް އެހީވުމުގެ ގޮތުން ސަރުކާރުން ދޫކުރުމަށް ނިންމާފައިވާ 2.5 ބިލިއަން ރުފިޔާގެ ސްޓިމިއުލަސް ޕެކޭޖް އަންނަ ހަފްތާގައި ދޫކުރަން ފަށާނެ ކަމަށް ފިނޭންސް މިނިސްޓްރީން ވަނީ ބުނެފައެވެ.
