އިޒްރޭލުގެ ހެލްތު މިނިސްޓަރ ކޮވިޑް-19 އަށް ޕޮޒިޓިވްވެއްޖެ
2 އެޕްރީލު 2020 | ބުރާސްފަތި 06:52އޭނާއަކީ އިޒްރޭލުގެ ބޮޑުވަޒީރު ބެންޖަމިން ނަތަންޔާހޫއާ އަރިސް ބޭފުޅެއް
އިޒްރޭލުގެ ހެލްތު މިނިސްޓަރ ޔާކޯ ލިޒްމަން ބޮޑުވަޒީރު ބެންޖަމިން ނަތަންޔާހޫއާއެކު | ރޮއިޓަރސް
އިޒްރޭލުގެ ހެލްތު މިނިސްޓަރ ޔާކޯ ލިޒްމަން ކޮވިޑް-19 އަށް ޕޮޒިޓިވްވެއްޖެއެވެ.
އިޒްރޭލުގެ ބޮޑުވަޒީރު ބެންޖަމިން ނަތަންޔާހޫއާ އަރިސް ބޭފުޅެއް ކަމުގައިވާ މިނިސްޓަރ ޔާކޯ ކޮވިޑް-19 އަށް ޕޮޒިޓިވްވެފައިވާއިރު، އޭނާގެ އަނބިކަނބަލުން ވެސް ވައިރަސްއަށް ޕޮޒިޓިވްވެފައިވާކަމަށް ރިޕޯޓްތައް ބުނެއެވެ.
އިޒްރޭލުގެ ހެލްތު މިނިސްޓަރ ޕޮޒިޓިވްވެފައިވާއިރު، ބޮޑުވަޒީރު ބެންޖަމިން ނަތަންޔާހޫގެ އެޑްވައިސަރ ރިވްކާ ޕަލޫކްވެސް ވައިރަސްއަށް ޕޮޒިޓިވްވެފައެއެވެ. އެއާއެކު ބޮޑުވަޒީރު ނަތަންޔާހޫގެ ޓެސްޓުތައްވެސް ހަދާފައިވާއިރު، އޭނާގެ ޓެސްޓުތައް ވަނީ ނެގެޓިވްވެފައެވެ.
ނަތަންޔަހޫގެ އިތުރުން، އެޑްވައިސަރާއެކު ބައްދަލުކުރި މުވައްޒަފުން ވެސް މިހާރު ދަނީ ސެލްފް އައިސޮލޭޓް ކުރަމުންނެވެ. އެގޮތުން އެ ހުރިހާ ފަރާތްތަކެއްވެސް، 14 ދުވަހުގެ ކަރަންޓީން މުއްދަތު ފުރިހަމަކުރަން ޖެހޭނެއެވެ.
އިޒްރޭލުން ވައިރަސްއަށް ޕޮޒިޓިވްވި މީހުންގެ އަދަދު 6200 އަށްވުރެ އިތުރުވެފައިވާއިރު، އޭގެ ތެރެއިން 30 މީހަކު މަރުވެފައިވާކަމަށް ރިޕޯޓްކޮށްފައިވެއެވެ.
