ކޮވިޑް-19: އެމެރިކާގައި ދޮޅުމަހުގެ ތުއްތު ކުއްޖަކު މަރުވެއްޖެ
2 އެޕްރީލު 2020 | ބުރާސްފަތި 13:13މިއީ އެމެރިކާއަށް ލިބުނު އިތުރު ހިތްދަތިކަމެއް
އެމެރިކާގައި ކޮވިޑް-19 ހަލުވިމިނެއްގައި ދަނީ ފެތުރެމުން
އެމެރިކާގައި ކޮވިޑް-19އަށް ޕޮޒިޓިވްވި 06 ހަފުތާގެ ތުއްތު ކުއްޖަކު މަރުވެއްޖެއެވެ.
މީޑިއާތަކުގައި ރިޕޯޓުކޮށްފައިވާ އެމެރިކާގައި މަރުވި މިކުއްޖާއަކީ ކޮވިޑް-19ގައި މިހާތަނަށް މަރުވި އެންމެ ތުއްތު ކުއްޖާއެވެ. މިކުއްޖާ ކޮވިޑް-19 އަށް ޓެސްޓުކުރީ މިދިޔަ ހަފުތާ ތެރޭގައެވެ.
މުޅި ދުނިޔެއިން ވެސް މިހާ ތުއްތު ކުއްޖަކު މިހާތަނަށް މަރުވެފައިނުވެއެވެ. ނަމަވެސް ބުދަ ދުވަހު އެންމެ ހަ ހަފުތާގެ ތުއްތުކުއްޖާގެ މަރަކީ، އެމެރިކާއަށް ލިބުނު އިތުރު ހިތްދަތިކަމެއްގެ ގޮތުގައި އެޤައުމުގެ ޞިއްޙީ މާހިރުން ސިފަކުރައްވައެވެ.
މި ބަލި ދުނިޔޭގެ 206 ސަރަހައްދަކުން ފެނިފައިވާއިރު މިހާތަނަށް މި ބަލީގެ އެންމެ ގިނަ ކޭސްފެނިފައިވަނީ އެމެެރިކާއިންނެވެ. އެމެރިކާގައި ދެލައްކައަށްވުރެ ގިނަ މީހުންނަށް މި ބަލި ޖެހިފައިވާއިރު 4000 ވުރެ ގިނަ މީހުން ބަލީގައި ވަނީ މަރުވެފައިވެއެވެ. އަދި މި ބަލި ޖެހުނު 8000 އަށްވުރެ ގިނަ މީހުން ވަނީ ބަލިން ފަސޭހަވެފައެވެ.
