އޭޕްރީލް މަހުން ފެށިގެން އިންޓަނެޓްގެ އަގަށް ބަދަލު ގެންނަން ނިންމައިފި
1 އޭޕްރީލް އިން ފެށިގެން ބަދަލު ގެންނާނެ
މަބްރޫކް އަޒީޒް
އޭޕްރީލް މަހުން ފެށިގެން އިންޓަނެޓްގެ އަގަށް ބަދަލު ގެންނަން ސަރުކާރުން ނިންމައިފިއެވެ.
ހޯމަ ދުވަހުގެ ރޭ އެންއީއޯސީގައި ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން މަބްރޫކް ވިދާޅުވީ ސަރުކާރުން ޓެލެކޮމް ކުންފުނިތަކާއި އެކު އިންޓަރނެޓުގެ ޚިދުމަތަށް ލުއިތަކެއް ގެނައުމުގެ މަޝްވަރާތައް ކުރެވުނު ކަމަށެވެ. އަދި އެ ކުންފުނިތަކުން ގެންނަން ނިންމި ބަދަލުތައް އެނގިގެންދާނީ އަންނަ މަހުން ފެށިގެން ކަމަށެވެ.
ކޮވިޑް-19 ގެ ސަބަބުން ގިނަ ވަގުތު ގޭގައި ހޭދަ ކުރަންޖެހުމާއި އެކު އިންޓަރނެޓު ބޭނުންކުރާ މިންވަރު މިވަނީ އިތުރުވެފައެވެ. އަދި އެކަމާއި ގުޅިގެން އިންޓަރނެޓުގެ އަގު ބޮޑުވުމުން އާއްމުންދަނީ ކަންބޮޑުވުން ފާޅުކުރަމުންނެވެ. އެގޮތުން ރައިސް އިބްރާހިމް މުހައްމަދު ސާލިހު ދާދިފަހުން ގައުމާ މުޙާތަބުކުރައްވާ ވިދާޅުވީ އިންޓަރނެޓުގެ ޚިދުމަތަށް ލުއިތަކެއް ހޯއްދަވައިދެއްވާނެ ކަމަށެވެ.
