ކޮވިޑް-19: މުވައްޒަފުންނަށް އަތް ދޮވެވޭނެ އިންތިޒާމު އެމްއޭސީއެލުން ހަމަޖައްސައިފި
25 މާރިޗު 2020 | ބުދަ 05:49މި އިންތިޒާމު ހަމަޖެއްސީ ކޯވިޑް-19 އިން ރައްކާތެރިވުމުގެ ގޮތުން އަޅާ ފިޔަވަޅެއްގެ ގޮތުން
އަތް ދޮވެވޭނެ އިންތިޒާމު ހަމަޖައްސާފައިވާ ތަން
މުވައްޒަފުންނަށް އަތް ދޮވެވޭނެ އިންތިޒާމު މޯލްޑިވްސް އެއަރޕޯސްޓް ކޮމްޕެނީ (އެމްއޭސީއެލް) އިން ހަމަޖައްސައިފިއެވެ.
މިކަމާއި ގުޅިގެން އެމްއޭސީއެލުން ކުރި ޓުވީޓެއްގައި ބުނީ އަތް ދޮވެވޭނެ އިންތިޒާމު ވެލާނާ އިންޓަރނޭޝަނަލް އެއަރޕޯޓުގެ އެކި ސަރަހައްދުގައި މުވައްޒަފުންނަށް ހަމަޖައްސާފައިވާނެ ކަމަށާއި މިކަން މިގޮތަށް ކުރީ ކޯވިޑް-19 އިން ރައްކާތެރިވުމުގެ ގޮތުން އަޅާ ފިޔަވަޅެއްގެ ގޮތުން ކަމަށާއި މުވައްޒަފުން ވެސް އިތުރަށް ރައްކާތެރިކުރުމަށް ކަމަށެވެ.
ކޯވިޑް-19 އިން ރައްކާތެރިވުމުގެ ގޮތުން އަޅާ ފިޔަވަޅެއްގެ ގޮތުން އެމްއޭސީލުން ވަނީ މީގެ ކުރިން މުވައްޒަފުންގެ ތެރެއިން އުމުރުން ދުވަސްވީ މީހުނަށް، މުސާރަ އާއި އިނާޔަތްތައް ލިބޭގޮތަށް ޗުއްޓީއެއް ދިނުމަށް ނިންމާފައެވެ. އެގޮތުން އެކުންފުނީގެ މުވައްޒިފުންގެ ތެރެއިން އުމުރުން 55 އަހަރުން މަތީގެ މުވައްޒަފުންނާއި، ރޯގާގެ އަލާމާތްތައް ފެނިފައިވާ މުވައްޒަފުންނަށް މުސާރަ އާއި އިނާޔަތްތައް ލިބޭ ގޮތަށް ޗުއްޓީއެއް ދިނުމަށް ނިންމާފައިވާ ކަމަށް މި މަހުގެ 17 ވަނަ ދުވަހު އެމްއޭސީއެލުން ބުންޏެވެ.
ވެލާނާ އިންޓަނޭޝަނަލް އެއަރޕޯޓަކީ ދަތުރުކުރާ ހުރިހާ ފަރާތްތަކަށްވެސް ރައްކާތެރިތަނަކަށް ހެދުމަކީ އެކުންފުނިން އެންމެ އިސްކަމެއްދޭ ކަމެއް ކަމަށް އެމްއޭސީއެލްއިން ވަނީ ބުނެފައެވެ.
