ކޮވިޑް-19: ތައިލެންޑްގައި ކުއްލި ހާލަތު އިއުލާނުކުރަނީ
24 މާރިޗު 2020 | އަންގާރަ 10:30މި ކުއްލި ހާލަތު އިއުލާނު ކުރެވެނީ މަސްދުވަހުގެ މުއްދަތަށް
ކޮވިޑް-19
ކޮވިޑް-19 އައުޓްބްރޭކްއާއި ގުޅިގެން ތައިލެންޑްގައި ބުރާސްފަތި ދުވަހު ކުއްލި ހާލަތު އިއުލާނުކުރުމަށް ނިންމައިފިއެވެ.
އެޤައުމުގެ ބޮޑު ވަޒީރު ޕްރާޔުތް އަންގާރަ ދުވަހު ވިދާޅުވީ މި ކުއްލި ހާލަތު އިއުލާނު ކުރެވެނީ މަސްދުވަހުގެ މުއްދަތައް ކަމަށެވެ.
އެޤައުމުގައި ކުއްލި ހަލާތު އިއުލާނު ކުރުމާއި އެކު ވައިރަހާއި ގުޅިގެން އިތުރު ފިޔަވަޅުތައް އެޅުމަށް ބޮޑު ވަޒީރަށް ޚާއްސަ ބާރުތަކެއް ލިބިގެންދެއެވެ.
އެގޮތުން މަގުމަތީގައި އާއްމުން މަދުކުރުމަށް ކަމާއި ބެހޭ ފަރާތްތަކުން ހަރަކާތްތެރިވާ ޗެކްޕޮއިންޓުތައް ގާއިމުކުރުން ވެސް ހިމެނެއެވެ. އަދި އިތުރަށް އަޅުއްވާނެ ފިޔަވަޅުތަކުގެ ތަފްސީލް ފަހުން ހާމަކުރައްވާނެ ކަމަށް ބޮޑު ވަޒީރު ވިދާޅުވިއެވެ.
އަންގާރަ ދުވަހު ތައިލެންޑުން ކޮވިޑް-19 ގެ އިތުރު 106 ކޭސް ރިޕޯޓުކޮށްފައިވެއެވެ. އަދި ތިން މީހަކު މި ބަލީގައި ވަނީ މަރުވެފައެވެ. މިހާތަނަށް އެޤައުމުން 827 ކޭސް ވަނީ ރިޕޯޓުކޮށްފައެވެެ.
