ކޮވިޑް-19: ރީތި ބީޗުން ދެ މީހަކު ޓެސްޓުކުރަނީ
24 މާރިޗު 2020 | އަންގާރަ 13:28ހަކުރާހުރާ މޮނިޓަރިންގެ ހާލަތުން ނެގުމުގެ މަސައްކަތްދަނީ ކުރަމުން
ރީތީ ބީޗް ރިސޯޓް
ކޮވިޑް-19 ގެ އަލާމާތްތަަކެއް ފެނިގެން ރީތީ ބީޗް ރިސޯޓުން ދިވެއްސަކާއި، ބިދޭސީއަކު ޓެސްޓު ކުރުމުގެ މަސައްކަތް ފަށައިފިއެވެ.
އަންގާރަ ދުވަހު ދަރުބާރުގޭގައި ގާއިމުކޮށްފައިވާ ނޭޝަނަލް އެމެޖެންސީ އޮޕަރޭޝަން ސެންޓަރު (އެންއީއޯސީ) ގައި ނޫސްވެރިންނަށް މައުލޫމާތު ދެއްވަމުން ކޮވިޑް-19 ޓާސްކްފޯސްގެ ތަރުޖަމާނު މަބްރޫކް އަޒީޒް ވިދާޅުވީ، އެ ދެ މީހުންގެ ޓެސްޓު ހެދުމަށާއި، ކޮންޓެކްޓް ޓްރޭސީން ހެދުމުގެ މަސައްކަތް ކުރުމަށް މީގެ ކުރިން ވެސް އެ ރަށުން ބައެއްގެ ސާމްޕަލްތަކެއް ވަނީ ޓެސްޓުކޮށްފަ އެވެ.
އެ ރަށް ވަނީ މޮނިޓަރިންގެ ހާލަތަށް ގެނެސްފައެެވެ. މަބްރޫކް ވިދާޅުވީ، މިހާރު މޮނިޓަރިންގެ ހާލަތުގައި އޮތީ އައިލެންޑް ސަފާރީ އާއި އައްޑޫ ސިޓީގައި ހުންނަ އީކުއޭޓަރ ވިލެޖްއެވެ. އައިލެންޑް ސަފާރީ މޮނިޓަރިންގެ ހާލަތަށް ގެނެވުނީ އެ ސަފާރީން ދެ މީހަކު ކޮވިޑް-19 އަށް ޕޮޒިޓިވްވުމާއި ގުޅިގެންނެވެ.
އެންއީއޯސީން ބުނީ، އަންނަތަރާ ދިގު މޯލްޑިވްސް ރިސޯޓުގެ އިތުރުން ސިނަމަން ހަކުރާހުރާ މޮނިޓަރިންގެ ހާލަތުން ރިލީޒްކުރުމުގެ މަސައްކަތް ކުރަމުންދާ ކަމަށެވެ.
ރާއްޖެއިން ކޮވިޑް-19 އަށް 13 މީހަކުވަނީ ޕޮޒިޓިވްވެފަ އެވެ. އެ ހުރިހާ އެންމެންނަކީވެސް ބިދޭސީންނެވެ. އެމީހުންގެ ތެރެއިން ފަސް މީހަކު ވަނީ ބަލިން ރަނގަޅުވެފައެވެ.
