ކ. މާލެ
|
24 މާރޗް 2020 | އަންގާރަ 07:06
ސާނިޔާ މިރްޒާ
ސާނިޔާ މިރްޒާ
ފޭސްބުކް
ބޮލީވުޑް
ސާނިޔާއަށް 26 ކިލޯ ލުއިކޮށްލެވުނީ 4 މަހުން
 
ސާނިޔާ އަށް ފިރިހެން ދަރިއަކު ލިބިފައިވަނީ 2018 ވަނަ އަހަރުގެ އޮކްޓޯބަރ ގައި

އިންޑިއާގެ ޓެނިސް ކުޅުންތެރިޔާ ސާނިޔާ މިރްޒާ ވިހެއުމަށްފަހު އޭނާގެ ގައިން 26 ކިލޯ ލުއިކުރަން 4 މަސް ނެގި ކަމަށް ސާނިޔާ ވަނީ ބުނެފައެވެ.

ސާނިޔާގެ މާބަނޑު ދުވަސް ވަރާއި ވިހެއުމަށް ފަހު އަލުން ކުޅުމަށް އެނބުރި އައުމަށް ކުރި މަސައްކަތުގެ ވާހަކަ ހިއްސާ ކުރަމުން ސާނިޔާ ބުނެފައިވަނީ މާބަނޑުއިރު ހަށިގަނޑަށް ބޮޑެތި ބަދަލުތަކެއް އައިސްފައިވާ ކަމަށާއި ފިޓްވާން ވަރަށް ބުރަ މަސައްކަތް ކުރަން ޖެހުނު ކަމަށެވެ.

ސާނިޔާ ބުނެފައިވަނީ މާބަނޑު ދުވަސްވަރު ހަށިގަނޑަށް ބެލުމެއް ނެތި ހުރިހާ އެއްޗެއް ކޭ ކަމަށާއި އޭނާގެ ގައިން 23 ކިލޯ ބަރުވެގެން ދިޔަ ކަމަށެވެ. އެތްލީޓަކަށް ވުމުން ބަރުދަން ލުއިކޮށް އެނބުރި އަންނަން ވަރަށް ބުރަ މަސައްކަތެއް ކުރަން ޖެހުނު ކަމަށް ސާނިޔާ ވަނީ ބުނެފައެވެ.

ހަމައެކަނި ބަރުދަން ލުއިކުރުމުން ނުނިމޭ ކަމަށާއި ބޮޑީ ފިޓް ކުރަންވެސް ބުރަ މަސައްކަތްތަކެއް ކުރަން ޖެހުނު ކަމަށް ސާނިޔާ ވަނީ ބުނެފައެވެ.

ސާނިޔާ އާއި ޝުއައިބު މަލިކް ކައިވެނި ކޮށްފައިވަނީ 2010 ވަނަ އަހަރުގެ އެޕްރީލް މަހުގެ 12 ގައެވެ.

ސާނިޔާ މާބަނޑުކަން ސޯޝަލް މީޑިއާގައި ހާމަކޮށްފައިވަނީ 2018 ވަނަ އަހަރުގެ އެޕްރީލް މަހުގެ 23 ގައެވެ.

އެދެމީހުންނަށް ފިރިހެން ދަރިއަކު ލިބިފައިވަނީ 2018 ވަނަ އަހަރުގެ އޮކްޓޯބަރ ގައެވެ. އެ ދަރިފުޅަށް ދީފައިވާ ނަމަކީ އިޒްހާން މިރްޒާ މަލިކް އެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ސިމާހާ ނަސީމް
7%
33%
0%
53%
7%
0%
ކޮމެންޓް