ކ. މާލެ
|
22 އޮކްޓޯބަރ 2018 | ހޯމަ 12:12
ކަންގަނާ
ކަންގަނާ
ގެޓީ އިމޭޖަސް
ކަންގަނާ ރަނާވަތު
ޕަންގާ ކުޅެން ކަންގަނާ 10 ކިލޯ ބަރު ކުރަނީ
 
ކަންގަނާ ދަނީ ކަބައްޑި ކުޅެން ފަރިތަ ކުރަމުން

ކަންގަނާ ރަނާވަތުގެ ކުރިއަށް އޮތް ފިލްމު "ޕަންގާ" ކުޅެން 10 ކިލޯ ބަރުކުރަން ނިންމައިފިއެވެ.

ކަންގަނާގެ ގާތް ފަރާތަކާއި ހަވާލާދީ އިންޑިއާގެ ނޫސްތަކުގައި ބުނެފައިވަނީ އޭނާ "ޕަންގާ" ގައި ކުޅެނީ ކަބައްޑީ ރޯލެއް ކަމަށެވެ. ކަބައްޑީއަކީ އިންޑިއާގައި ކުޅޭ ކުޅިވަރަކަށް ކިޔާނަމެކެވެ.

ކަންގަނާގެ ގާތް މީހަކާ ހަވާލާދީ ނޫސްތަކުގައި ބުނެފައި ވަނީ 10 ކިލޯ ބަރު ކުރުމަށް މިހާރު އޭނާ މަސައްކަތް ފަށާފައިވާ ކަމަށެވެ. އަދި ބަރުވުމަށް ކެއުން ކުރިއަށް ވުރެ އިތުރުކޮށް ބަރުވުމަށް ބޭނުންވާ ކެއުން ކާން ފަށާފައިވާ ކަމަށް އޭނާ ވަނީ ބުނެފައެވެ. އެގޮތުން މިހާރު އޭނާއަށް ވަނީ ހައި ކެލޮރިން ޕްރޮޓިން ޑައިޓެއް ހަމަޖައްސައިފައި ކަމަށް އެމީހާ ވަނީ ބުނެފައެވެ.

އަދި ކަބައްޑީ ކުޅުމަށް އޭނާ ފަރިތަ ކުރަމުންދާ ކަމަށާއި މި ފިލްމުގައި ކަންގަނާ ފެނިގެންދާނީ ގައުމީ ފެންވަރުގައި ކަބައްޑީ ކުޅޭ މީހެއްގެ ގޮތުގައި ކަމަށް ވެސް އޭނާ ބުންޏެވެ.

"ޕަންގާ" އަކީ ރޭލީ ކީ ބަރްފީ ފިލްމުގެ ޑައިރެކްޓަރު އަޝްވިނީ އައިޔާ ތިވާރީ ޑައިރެކްޓް ކުރާ ފިލްމެކެވެ.

މި ފިލްމާއި ބެހޭ ގޮތުން ކަންގަނާ މީގެ ކުރިން ބުނެފައި ވަނީ މިއީ ވަރަށް ޗެލެންޖިން ފިލްމަކަށް ވާނެ ކަމަށާއި އޭނާ މިފިލްމަށް އާނ އެކޭ ބުނީ ސްކްރިޕްޓް ކިޔުމަށް ފަހު ކަމަށެވެ. އަދި އޭނާއަށް ފިލްމަކުން ކުޅިވަރެއް ކުޅޭ އަންހެނެއްގެ ރޯލު ލިބުން މީ ފުރަތަމަ ފަހަރު ކަމަށް ބުންޏެވެ. މިއީ އޭނާގެ ހަޔާތާއި ގުޅިފައިވާ ފިލްމެއް ކަމަށާއި އޭނާ ހުރީ ފިލްމު ކުޅުމަށް ކެތްމަދުވެފައި ކަމަށް ކަންގަނާ ބުންޏެވެ.

ކަންގަނާ އެންމެ ފަހުން ފެނިގެން ގޮސްފައިވަނީ 2017 ވަނަ އަހަރު ނިކުތް ސިމްރަން އިންނެވެ. އެ ފިލްމުގައި އޭނާ އަށް ވަނީ ސްކްރީން އެވޯޑްސްގެ އެންމެ މޮޅު އެކްޓްރެސް އަށް ނޮމިނޭޓް ވެސް ވެފައެވެ.

އެންމެ ފަހުން އަޕްޑޭޓް ކުރީ: 2 މަސް ކުރިން
ރިވިއު ކުރީ: ހުޝާމް މުހަޢްމަދް
0%
100%
0%
0%
0%
0%
ކޮމެންޓް