އެމެރިކާގައި ކޮވިޑް-19 ގެ ކޭސްތަކުގެ އަދަދު 10000 އަށް ވުރެ އިތުރުވެއްޖެ!
މިހާތަނަށް އެގައުމުން މި ބަލި ޖެހިގެން 152 މީހަކު ވަނީ މަރުވެފަ
ކޮވިޑް-19
މިހާރު މުޅި ދުނިޔޭގައި ހަލުވިކަމާއެކު ފެތުރެމުންދާ ކޮވިޑް-19 ގެ ކޭސްތަކުގެ އަދަދު 10000 އަށް ވުރެ އިތުރު ވެއްޖެއެވެ.
އެގޮތުން މިހާތަނަށް 10,259 އަށް ވުރެ ގިނަ ކޭސް އެމެރިކާއިން ރިޕޯޓުކުރެވިފައިވާކަމަށް އެގައުމުގެ ސިއްހަތާއި ބެހޭ ވުޒަރާތަކާއި އޭޖެންސީތަކާއި ހަވާލާދީ ބޭރުގެ މީޑިއާއެއް ކަމަށްވާ ސީއެންއެންގައި ރިޕޯޓުކޮށްފައިވެއެވެ.
މިހާތަނަށް އެގައުމުން މި ބަލި ޖެހިގެން 152 މީހަކު ވަނީ މަރުވެފައެވެ.
ހުސްވި އަހަރުގެ ޑިސެންބަރު މަހުގެ 31 ގައި ޗައިނާގެ ވޫހާން ސިޓީން ވަނީ، އެ ސިޓީގައި ނިއުމޯނިޔާ ބަލީގެ ކޭސްތައް ފެންނަމުންދާކަން ދުނިޔޭގެ ޞިއްޙަތު ޖަމްޢިއްޔާގެ ސަމާލުކަމަަށް ގެންސްފައެވެ. އަލަށް ފެނިގެން މިއުޅޭ ''ނޮވެލް ކޮރޯނާވައިރަސް'' ފެނިފައިމިވަނީ ޤަވާއިދާ ޚިލާފަށް މަސް ވިއްކަމުންދާ ސީފުޑް މާރކެޓުންނެވެ. ބައެއް މާހިރުން ލަފާކުރާ ގޮތުގައި މި ބަލި އިންސާނުންނަށް ޖެހިގެން އުޅެނީ ހަރުފައެއްގެ ސަބަބުންނެވެ.
