ކޮވިޑް-19: ބީއެމްއެލް ހުޅުވިފައި ހުންނަ ގަޑިތަކަށް ބަދަލު ގެނެސްފި
19 މާރިޗު 2020 | ބުރާސްފަތި 05:16ބީއެމްއެލް ސަރުކާރު ބަންދު މުއްދުތަކުގައި ހުޅުވަނީ 3 ދުވަހު
ބޭޏްކް އޮފް މޯލްޑްވިސް
ދުނިޔޭގައި ހަލުވިކަމާއެކު ފެތުރެމުންދާ ކޮވިޑް-19 ރާއްޖެއިން ފެނުމާއެކު ސަރުކާރުން ކުރަމުންދާ މަސައްކަތަށް އެއްބާރުލުން ދީ މުވައްޒަފުންނަށާއި ކަސްޓަމަރުންނަށް ރައްކާތެރިކަން ކަށަވަރުކޮށްދިނުމަށްޓަކައި ބޭންކް އޮފް މޯލްޑިވިސްގެ ހިދުމަތްދޭ ގަޑިތަކަށް ބަދަލުތަކެއް ގެނެސްފިއެވެ.
ގައުމީ ބޭންކުގެ ވެބްސައިޓްގައި ޝާއިއުކޮށްފައިވާ ގޮތުން މި ބުރާސްފަތި ދުވަހުން ފެށިގެން މި މަހުގެ 26 އަށް ސަރުކާރު ބަންދުކުރުމާ ގުޅިގެން އެ ބޭންކުގެ ހިދުމަތް ދޭ ގަޑިތަކަށް ބަދަލުތަކެއް އައިސްފައިވާކަމަށެވެ. އެގޮތުން، މި މުއްދަތުގައި ބޭންކު ހުޅުވުމަށް ހަމަޖެހިފައިވަނީ މާރޗް މަހުގެ 19، 23، އަދި 26، މި ތިން ދުވަހުގެ ހެނދުނު 9:30 އިން 11:30 އަށް ކަމަށް ވަނީ މައުލޫމާތު ދީފައެވެ.
ބީއެމްއެލް މެއިން ބްރާންޗް
ބީއެމްއެލް އިސްލާމިކް ބްރާންޗް
ވިލިމާލެ ބްރާންޗް
އެއާރޕޯޓް ބްރާންޗް
ހުޅުމާލެ ބްރާންޗް
ހުޅުމާލެ ބްރާންޗް
ހުރިހާ އަތޮޅު ބްރާންޗްތައް
ބީއެމްއެލް ކަސްޓަމަރ ސާރވިސް ސެންޓަރ
މި މުއްދަތުގެ ތެރޭގައި މި ތަންތަނުން ފޯރުކޮށްދޭ ހިދުމަތްތަކުގެ ތެރޭގައި، ފައިސާ ނެގުމާއި ޖަމާކުރުން، ޗެކް ޖަމާކުރުން، އިންޓަރނޭޝަނަލް ޓްރާންފަރ އަދި ލެޓަރ އޮފް ކްރެޑިޓް، ލޯކަލް ބޭންކްތަކަށް ޓްރާންސްފާރކުރުން، ޕޭރޯލް ރިކުއެސްޓް އަދި އައު ކާޑަށް ރިކުއެސްޓްކުރުން ހިމެނެއެވެ.
ބައެއް ހިދުމަތްތަކުގެ ތަފްސީލު ހާމަކޮށް ބީއެމްއެލްއިން ބުނެފައިވަނީ، އެހެނިހެން ބޭންކްތަކުން އެ ދުވަހެއްގެ ހެނދުނު 10:00 ގެ ކުރިން ލިބޭ ޗެކްތައް އެ ދުވަހު ކްލިއަރކުރާނެކަމަށެވެ. އަދި 10:30 ގެ ކުރިން ރާއްޖޭގެ އެހެނިހެން ބޭންކުތަކަށް ކުރާ 100،000 ރުފިޔާއިން މަތީގެ ޓްރާންސްފާރތައް އެ ދުވަހު ޕްރޮސެސްކުރާނެކަމަށް ބީއެމްއެލްއިން މައުލޫމާތުދެއެވެ. އަދި ހެނދުނު 11:00ގެ ކުރިން ލިބޭ އިންޓަރނޭޝަނަލް ޓްރާންސްފަރ އަދި ލެޓަރ އޮފް ކްރެޑިޓް އެ ދުވަހެއްގައި ޕްރޮސެސް ކުރާއިރު ހެނދުނު 11:00ގެ ކުރިން ލިބޭ ޕޭރޯލް ރިކުއެސްޓްވެސް (އޮފީސްތަކުގެ މުވައްޒަފުންގެ މުސާރަ) އެ ދުވަހު ޕްރޮސެސްކުރާނެ ކަމަށް ބޭންކުން ވަނީ މައުލޫމާތު ދީފައެވެ.
ބީއެމްއެލްއިން ބުނެފައިވަނީ، މި މުައްދަތުގެ ތެރޭގައި ބީއެމްއެލްގެ އޭޓީއެމްތަކުން ކުރިޔެކޭވެސް އެއްގޮތަށް 24 ގަޑިއިރު ހިދުމަތް ދެވޭނެ ކަމަށެވެ. އަދި އިންޓަރނެޓް ބޭންކިން އާއި މޮބައިލް ބޭންކިންގ ވީހާވެސް ގިނައިން މި ދަނޑިވަޅުގައި ބޭނުން ކުރުމަށް ބީއެމްއެލް އިން ވަނީ އިލްތިމާސްކޮށްފައެވެ.
