އީސީގެ މެމްބަރުކަމަށް އަކްރަމް އައްޔަނުކުރުމަށް އެމްޑީޕީން ޓޫ ލައިން ވިޕެއް ނެރެފި
އީސީގެ މެމްބަރުކަމަށް އައްޔަނުކުރުމަށް ބާއްވާ ޖަލްސާ މިއަދު 2 ޖަހާއިރު އޮންނާނެ
އީސީގެ މެމްބަރ އަހުމަދު އަކްރަމް
އިލެކްޝަންސް ކޮމިޝަން(އީސީ) ގެ މެމްބަރުކަމަށް އަހުމަދު އައްޔަނުކުރުމަށް އެމްޑީޕީން ޓޫ ލައިނެއް ވިޕެއް ނެރެފި އެވެ.
އީސީގެ މެމްބަރުކަމަށް މެމްބަރަކު އައްޔަނުކުރުން ބުދަ ދުވަހު މެންދުރު އޮންނަ ޖަލްސާއަށް ވަނީ އެޖެންޑާކޮށްފަ އެވެ. އީސީއަށް މެމްބަރަކު އައްޔަނުކުރުމަށް ރައީސް ފޮނުއްވެވި މައްސަލަ ދިރާސާކުރި މިނިވަން މުއައްސަސާތަކުގެ ކޮމިޓީ ރިޕޯޓްގައިވެސް ކުރީގައި އުޅުއްވަނީ އަކްރަމް އެވެ.
އިލެކްޝަންސް ކޮމިޝަނުގައި އަކްރަމް އަދާކުރަމުންދާ މަޤާމުގެ މުއްދަތު މި މާރޗު މަހުގެ 23 ވަނަ ދުވަހަށް ހަމަވާނެ އެވެ. އެހެންކަމުން އަކްރަމް މިވަނީ ދެވަނަ ދައުރަކަށްވެސް އެކޮމިޝަނުގެ މެންބަރުކަމަށް ކުރިމަތި ލައްވާފަ އެވެ.
އަކްރަމަކީ، 2018 ވަނަ އަހަރުގެ ރިޔާސީ އިންތިޚާބާއި، 19 ވަނަ ރައްޔިތުންގެ މަޖިލީހުގެ އިންތިޚާބު، އަމާންކަމާއި އޮމާންކަމާއެކު ބޭއްވުމުގައި އިލެކްޝަންސް ކޮމިޝަނުގައި އިސް ދައުރެއް އަދާކުރެއްވި އެކޮމިޝަނުގެ މެންބަރުގެ އިތުރުން ތަރުޖަމާނު ވެސް މެއެވެ.
