ޕާކިސްތާނުން ޓެރަރިސްޓުން އީރާނާއި ހަވާލުކޮށްދިނުމަށް އެދިއްޖެ
13 މާރިޗު 2020 | ހުކުރު 14:29އީރާނުން މިކަން ހާމަކޮށްފައިވަނީ ބްރިގޭޑިއަރ ޖެނަރަލް ގާސިމް ރިޒާއީ ހޯމަދުވަހު ދެއްވި ނޫސްކޮންފަރެންސެއްގަ
ބްރިގޭޑިއަރ ޖެނަރަލް ގާސިމް ރިޒާއީ
އީރާންގެ ސަރަހައްދަށް އަދިވެސް ޕާކިސްތާނުން ޓެރަރިސްޓް ހަމަލާތައް އަންނަ ކަމަށް އީރާނުގެ ސަރަހައްދު ބަލަހައްޓާ ބޯޑަރ ގާޑް ކޮމާންޑަރު ބުނެފިއެވެ.
އީރާނުން މިކަން ހާމަކޮށްފައިވަނީ ބްރިގޭޑިއަރ ޖެނަރަލް ގާސިމް ރިޒާއީ ހޯމަ ދުވަހު ދެއްވި ނޫސް ކޮންފަރެންސެއްގައެވެ. ރިޒާއީ ވިދާޅުވިގޮތުގައި އީރާނުން ވަނީ ޕާކިސްތާނާއެކު މިފަހުން ގުޅުން ބަދަހިކޮށްފައެވެ، އެހެންނަމަވެސް ޕާކިސްތާންގެ ސަރަހައްދުން އީރާނަށް ޓެރަރިސްޓް ހަމަލާތައް އަންނަ ކަމުގައކި އޭނާ ވިދާޅުވިއެވެ.
އޭނާ ސިފަކުރެއްވި ގޮތުގައި "ކުލީ ސިފައިން" މިހާރު ބޭނުންކުރަމުން ދަނީ އެމެރިކާއިން އުފައްދާފައިވާ ފަހުގެ ހަތިޔާރުތަކެވެ. އަދި މި ހަތިޔާރުތަކަކީ ވަރަށް ފަހުން މި ގްރޫޕަށް ލިބިފައިވާ ތަކެތިކަމަށްވެސް އޭނާ ވިދާޅުވިއެވެ.
އަދި އީރާންގެ އިންތިޚާބު އޮތް ދުވަހު އޮމާން ކަނޑު އޮޅިން އީރާން ސިފައިން ވަނީ ބޯޓެއް ހިފަހައްޓާފައެވެ. މި ބޯޓުގައި ސްމަގްލްކޮށްފައިވާ އެއް މިލިއަން ލީޓަރުގެ ވަގު ތެޔޮ ހުރިކަމަށާއި އަދި އީރާންގެ 6 ސަހައްދަކުން ދޮޅު ޓަނުގެ މަސްތުވާތަކެތި އަތުލައިގެންފައިވާ ކަމަށާއި ގަލްފް ސަރަހައްދުން ވަރަށް އެތެރެކުރަން އުޅުނު 6 ޓަނުގެ ވަގު ސާމާނުތައްވެސް އަތުލައިގެންފައިވާ ކަމުގައި އޭނާ ވިދާޅުވިއެވެ.
