އިނގިރޭސިވިލާތުގެ ހެލްތް މިނިސްޓަރު ނަޑީން ޑޮރިން ކޮވިޑް-19 އަށް ޕޮޒިޓިވްވެ އަމިއްލައިން އައިސޮލޭޓްވެއްޖެ އެވެ.

އެކަމަނާ ކޮވިޑް-19 އަށް ޕޮޒިޓިވް ވެފައިވާކަން އިއުލާން ކުރައްވައި ބަޔާނެއްވަނީ ނެރުއްވާފައެވެ. އެ ބަޔާނުގައި ނަޑީން ވިދާޅުވީ، ވައިރަހަށް ޕޮޒިޓިވްވިކަން އެނގުނު ހިސާބުން ފެށިގެން ކަމާއިބެހޭ ފަރާތްތަކުން އަންގަމުންދާ އިރުޝާދުތަކަށް ބޯލަނބައި ގޭގައި އެކަހެރިވެފައިވާ ކަމަށެވެ. އަދި ޕަބްލިކް ހެލްތުން އޭނާ އާ ގުޅުން ހުރި މީހުންގެ ކޮންޓެކްޓް ޓްރޭސިނގް ކުރުމުގެ މަސައްކަތް ކުރަމުންދާ ކަމަށެވެ.

ނަޑީންއާ އެކު މަސައްކަތް ކުރައްވަމުން ގެންދަވާ ބޭފުޅުން ގެންދަވަނީ އެކަމަނާ އަށް އަވަސް ޝިފާއަކަށް އެދެމުންނެވެ. ޔޫކޭގެ ހެލްތް މިނިސްޓަރ ކޮވިޑް-19 އަށް ޕޮޒިޓިވްވެފައިވާއިރު، އެ ގައުމުގެ 300 އަށް ވުރެ ގިނަ މީހުންނަށް ބަލިޖެހި ހަ މީހަކު ވަނީ މަރުވެފައެވެ. އެންމެ ފަހުން މަރުވެފައިވަނީ 80 އަހަރުގެ މީހެއް ކަމަށް އިނގިރޭސިވިލާތުގެ މީޑިއާތަކުން ރިޕޯޓް ކުރެއެވެ.

ދުނިޔޭގައި މިހާތަނަށް 116،455 މީހަކު މި ބައްޔަށް، ބުދަ ދުވަހާ ހަމައަށް ޕޮޒިޓިވްވެފައިވާ އިރު، 64،750 މީހަކު ވަނީ ބަލިން ސަލާމަތްވެފައެވެ. އަދި މަރުވި މީހުންގެ ޢަދަދު އުޅެނީ 4،091 ގައެވެ. މި ތަފާސް ހިސާބުތަކައް ބަލާއިރު ވައިރަސްގެ އެކްޓިވް ކޭސްތައް އުޅެނީ 47،614 ގައެވެ. ޗައިނާގެ ވޫހާން ސިޓީން ފެތުރެން ފެށި ވައިރަސް