ބާޣީ 3 ގެ ފެށުން ވަރަށް ކާމިޔާބު
7 މާރިޗު 2020 | ހޮނިހިރު 12:45މި ފިލްމް ރިލީޒްކުރީ ހުކުރު ދުވަހު
ބާޣީ 2 ގެ ޕޯސްޓަރު
މިއަހަރު ރިލީޒް ކުރި ފިލްމް ތަކުގެ ތެރެއިން ފިލްމް ރިލީޒް ކުރި ދުވަހު ބޮކްސް އޮފީހުގައި އެންމެ ބޮޑު އާމްދަނީއެއް ލިބުނު ފިލްމަކަށް "ބާޣީ 3" ވެއްޖެ އެވެ.
ޓައިގާ ޝްރޯފް އާއި ޝްރައްދާ ކަޕޫރު ލީޑްރޯލުން ފެނިގެންދާ މި ފިލްމަށް ފިލްމް ރިލީޒް ކޮށްފައިވަނީ ހުކުރު ދުވަހުއެވެ.
ހަލުވި ކަމާއި އެކު ކޮވިޑް-19 ފެތުރެމުންދާ މި ދުވަސްވަރު ރިލީޒް ކުރި މި ފިލްމަށް ފުރަތަމަ ދުވަހު އާމްދަނީގެ ގޮތުގައި ވަނީ 17.50 ކްރޯޑް ރުޕީސް ލިބިފައެވެ.
ޓްރޭޑް އެނަލިސްޓް ތަރަން އާދާޝް ކޮށްފައިވާ ޓްވީޓްގައިވާ ގޮތުން މިއހަރު ރިލީޒް ކުރި ފިލްމް ތަކުގެ ތެރެއިން މި ފިލްމް ރިލީޒް ކުރި ދުވަހު ދެވަނައަށް އެންމެ ބޮޑު އާމްދަނީއެއް ލިބިފައިވަނީ އަޖޭދޭވްގަންގެ ފިލްމް "ތަނާޖީ: ދި އަންސަންގް ވެރިއަރ" އެވެ. މި ފިލްމަށް ފުރަތަމަ ދުވަހު އާމްދަނީގެ ގޮތުގައި ލިބިފައިވަނީ 15.10 ކްރޯޑް ރުޕީސް އެވެ.
"ބާޣީ 3" ގައި ޓައިގާ އާއި ޝްރައްދާގެ އިތުރުން ރިތޭޝް ދޭޝްމުކް އަދި ޖެކީ ޝްރޯފް ފެނިގެންދެއެވެ.
މި ފިލްމްގައި ޚާއްސަ ލަވައަކުން ދިޝާ ޕަޓާނީވެސް ފެނިގެންދެއެވެ.
