އައިލެންޑާސް ފުޓްސަލް ޗެލެންޖުގައި ބައިވެރިވުމަށް ހުޅުވާލައިފި

މެދުރާއްޖެ ތެރޭގައި ބާއްވާ އެންމެ ބޮޑު ފުޓްސަލް މުބާރާތް ކަމަށްވާ އައިލެންޑާސް ފުޓްސަލް ޗެލެންޖު 2020 ގައި ބައިވެރިވުމަށް ހުޅުވާލައިފި އެވެ.

މި މުބާރާތަކީ ޓީއެފްއެމް ސްޕޯޓްސް ކްލަބުން އިންތިޒާމުކޮށްގެން ކޮންމެ އަހަރަކުވެސް މ. ދިއްގަރުގައި ބާއްވަމުން އަންނަ މުބާރާތެކެވެ.

މިއަހަރުގެ މުބާރާތް އިއުލާނު ކުރިއިރު، މުބާރާތުގައި ބައިވެރިވުމުގެ ފުރުސަތު ހުޅުވާލާފައިވަނީ މި މަހުގެ 31 ގެ ނިޔަލަށެވެ.

މުބާރާތުގައި ބައިވެރިވުމަށް އެދޭ ފޯމާއި މުބާރާތުގެ ގަވާއިދު ޓީއެފްއެމް ސްޕޯޓްސް ކްލަބުގެ ފޭސްބުކް ޕޭޖުގައި ވަނީ ޝާއިއު ކޮށްފައެވެ. މުބާރާތުގައި ބައިވެރިވުމުގެ ފީއަކީ 5،000 ރުފިޔާއެވެ.

މިއަހަރުގެ މުބާރާތް ބޭއްވުމަށް ހަމަޖެހިފައިވަނީ މެއި މަހުގެ 29 އިން ޖޫން މަހުގެ 5 ވަނަ ދުވަހުގެ ނިޔަލަށެވެ.

ކޮންމެ އަހަރަކުވެސް ދިއްގަރުގައި ބާއްވާ މި މުބާރާތުގައި މ. އަތޮޅުގެ ގިނަ ރަށްތަކެއްގެ ޓީމުތައް އަންނަނީ ވާދަކުރަމުންނެވެ. އެގޮތުން މިދިޔަ އަހަރު ބޭއްވި މުބާރާތުގައި ޖުމްލަ 10 ޓީމެއް ވަނީ ވާދަކޮށްފައެވެ.

މިދިޔަ އަހަރުގެ މުބާރާތުގެ ޗެމްޕިއަން ޓީމަކީ ޑީސީޖޭ ސްޕޯޓްސް ކްލަބެވެ. ޑީސީޖޭ މުބާރާތުގެ ޗެމްޕިއަންކަން ހޯދީ ފައިނަލް މެޗުގައި އެފްއޯޑީއާ ވާދަކޮށް 4-2 އިން މެޗު ކާމިޔާބުކޮށްގެންނެވެ.

މިއަހަރުގެ މުބާރާތުގެ މީޑިއާ ޕާޓްނަރަކީ ރާއްޖެ ޓީވީ އެވެ.