ދަބަހުގައި ބޮމެއް އޮތްކަމަށް ބުނި ދިވެއްސަކު ހިފަހައްޓައިފި
26 ފެބުރުއަރީ 2020 | ބުދަ 15:55މި މައްސަލަގައި ބުދަ ދުވަހު ހިފަހައްޓާފައިވަނީ ދިވެހި ފިރިހެނެއް
އަޒްލިފާ އަބްދުﷲ | 26 ފެބުރުއަރީ 2020 | ބުދަ 15:55
ވެލާނާ އިންޓަނޭޝަނަލް އެއަރޕޯޓް
ވެލާނާ އިންޓަނޭޝަނަލް އެއަރޕޯޓަށް ފުރަން ދިޔަ ދިވެއްސަކު ދަބަހުގައި ބޮމެއް އޮތް ކަމަށް ބުނުމުން އޭނާ ހިފަހައްޓައިފިއެވެ.
ރާއްޖެ އެމްވީއަށް މަޢުލޫމާތު ދެއްވަމުން ފުލުހުން ބުނީ މި މައްސަލަގައި ބުދަ ދުވަހު ހިފަހައްޓާފައިވަނީ ދިވެހި ފިރިހެނެއް ކަމަށެވެ. ފުލުހުންނާއި އޭނާ ޙަވާލުކޮށްފައިވަނީ އެއަރޕޯޓް ސެކިއުރިޓީން ކަމަށެވެ. ފުލުހުން އޭނާގެ ދަބަސް ބަލާ ފާސްކުރިއިރު އެފަދަ އެއްވެސް އެއްޗެއް ފެނިފައި ނުވާކަމަށް ފުލުހުން މަޢުލޫމާތު ދެއެވެ.
މި މައްސަލައާއި ގުޅިގެން ފުލުހުން ބަލަންޖެހޭ ކަންކަން ބެލުމަށްފަހު ނަޞޭޙަތްދީ އޭނާ ވަނީ ދޫކޮށްލާފައި ކަމަށް ފުލުހުން ބުންޏެވެ.
