ކަނޑުހުޅުދޫ މެޖިސްޓްރޭޓް ހަސަން ދިީދީ ފަނޑިޔާރުކަމުން ވަކިކުރަނީ
26 ފެބުރުއަރީ 2020 | ބުދަ 13:57ޖިންސީ ގޯނާގެ ގިނަ ތުހުމަތު ތަކެއް ކުރެވޭ
ގއ. ކަނޑުހުޅުދޫ ކޯޓުގެ އިސް މެޖިސްޓްރޭޓް ހަސަން ދީދީ
ސީރިއަސް މައްސަލަތަކެއް ތުހުމަތު ކުރެވިފައިވާ ގއ. ކަނޑުހުޅުދޫ ކޯޓުގެ މެޖިސްޓްރޭޓް ގއ.ކަނޑުހުޅުދޫ މެޖިސްޓްރޭޓް ކޯޓުގެ އިސްމެޖިސްޓްރޭޓް ހަސަން ދީދީ ފަނޑިޔާރު ކަމުގެ މަގާމުން ވަކިކުރަން ރައްޔިތުންގެ މަޖިލީހަށް ހުށައަޅަން ޖުޑީޝަލް ސަރވިސް ކޮމިޝަން (ޖޭއެސްސީ) އިން ނިންމައިފިއެވެ.
ޖޭއެސްސީން ބުނީ، ފަނޑިޔާރުކަމުގެ މަސްއޫލިއްޔަތާއި ވާޖިބުތައް އަދާކުރުމުގައި، ޤާނޫނު ނަންބަރު 13/2010 (ދިވެހިރާއްޖޭގެ ފަނޑިޔާރުންގެޤާނޫނު) ގެ 32 ވަނަ މާއްދާގެ (ހ) ގެ 5 އާއި 6 އާއި ހަމަ އެ ގާނޫނުގެ 33 ވަނަ މާއްދާގެ (ށ) އާއި ފަނޑިޔާރުންގެ ސުލޫކީ މިންގަނޑުގެ 1.2 އާއި، 1.8 އާއި، 3.1 އާއި، 3.2 އާއި، 4.1 އާއި، 4.9 އާއި، 6.4 ވަން ނަންބަރުގައި ބަޔާންކުރާ ސުލޫކާ ކަނޑައެޅިގެން ޚިލާފުވެ، ފަނޑިޔާރެއްގެ ކިބައިގައި ހުރުން ލާޒިމުކުރާ ސުލޫކީ ސިފަތައް ނެތިގެންދާފަދަ ޢަމަލުތަކެއް އިސްމެޖިސްޓްރޭޓް ޙަސަންދީދީ ކޮށްފިކަމަށް ކޮމިޝަނަށް އެ ކޮމިޝަނަށް ސާބިތުވެފައިވާ ކަމަށެވެ.
ޖޭއެސްސީން ބުނީ، ހަސަން ދީދީގެ މައްޗަށް ސާބިތުވެފައިވާ ކަމަކީ ގާނޫނުއަސާސީގެ 154 ވަނަ މާއްދާގެ (ށ) ގައިބަޔާންކޮށްފައިވާ ފަދަ ފަނޑިޔާރުކަމުގެ މަގާމާ އެކަށީގެން ނުވާ ޢަމަލެއްކަމަށް ޖޭއެސްސީގެ 1-32 ވަނަ މާއްދާގެ(ހ)ގެ (1) ވަނަ ނަންބަރުގެ ދަށުން، ގަސަންދީދީ ފަނޑިޔާރުކަމުން ވަކިކުރުމަށް ޖުޑީޝަލް ސަރވިސް ކޮމިޝަނުން މަޖިލީހަށް ހުށަހެޅުމަށް، ކޮމިޝަނުން ނިންމާފައިވާ ކަމަށެވެ.
ހަސަން ދީދީގެ މައްސަލަ ފެންމަތިވީ، ކަނޑުހުޅުދޫ ގައި ދެ އަހަރު ނުވާ ތުއްތު ކުއްޖަކަށް ޖިންސީ ގޯނާކުރި މައްސަލަ އެއް ތިލަވުމާއި އެކުއެވެ. ޖޭއެސްސީ އަށް ހުށައެޅުނު ޝަކުވާއަކާއި ގުޅިގެން ފަނޑިޔާރު ކަމުގެ މަގާމުން ހަސަން ދީދީ ސަސްޕެންޑް ކޮށްފައިވަނީ ޖުލައި މަހުއެވެ.
ޖޭއެސްސީން ދަނީ މިހާރުވެސް ފަނޑިޔާރުންނާ ގުޅޭ ގިނަ މައްސަލަތަކެއް ބަަލަމުންނެވެ. އޭގެ ތެރޭގައި މެޖިސްޓްރޭޓުންނާއި ސުޕީރިއަރ ކޯޓުތަކާއި ހައިކޯޓުގައި ތިއްބެވި ފަނޑިޔާރުންވެސް ހިމެނިވަޑައިގަންނަވައެވެ.
