ފްލޮރިޑާގެ ޖަންގައްޔެއްގައި ހައިކް ކުރަން އުޅުނު މީހަކަށް މަދުން ނޫނީ ނުފެންނަ ޒާތުގެ ހަރުފަ އެއް ފެނިއްޖެ އެވެ.
އޭނާއަށް ހަރުފަ ފެނުމާއެކު ވަނީ އެހަރުފައިގެ ފޮޓޯ ނަގާފަ އެވެ. ކަމާބެހޭ މާހިރުން ބުނާގޮތުން މީގެ ހަރުފައެއް ދުނިޔެއިން ނުފެންނަތާ 50 އަހަރަށްވުރެ ގިނަ އަހަރު ވަނީ ވެފަ އެވެ. ހަތަރު ފޫޓް ދިގު މިހަރުފަ ފެނިފައިވަނީ އޮކާލާގެ ޖަންގައްޔެއްގައި ހައިކް ކުރަން އުޅުނު ޓްރެސީ ކޯތެން އަށެވެ. އެކިކުލަތައް ފެންނަ މިހަރުފަ އާއި ގުޅޭގޮތުން އެފް.ޑަބްލިޔު.ސީ ފިޝް އެންޑް ވައިލްޑްލައިފް ރިސަރޗް އިންސްޓިޓިއުޓުން ކޮށްފައިވާ ފޭސްބުކް ޕޯސްޓެއްގައި ބުނެފައިވަނީ ޓްރެސީއަށް މި ފެނުނު ހަރުފައަކީ ފްލޮރިޑާގެ ނޭޗަރަލް ހިސްޓްރީއާ ގުޅޭ މިޔުޒިއަމްއިން ބުނާގޮތުން 1969 ވަނަ އަހަރުން ފެނުނު މީގެ ފުރަތަމަ ހަރުފަ އެވެ.
އަދި މީގެ ހަރުފައަކީ އެއްވެސް ކަހަލަ ގެއްލުމެއް ނުދޭ އަދި ވިހަގަދަ ހަރުފައެއް ނޫންކަމަށްވެސް އެއިންސްޓިޓިއުޓުން ވަނީ ބުނެފަ އެވެ. މީގެ ހަރުފަ ގިނައިން އުޅެނީ ފެނުގައި ކަމަށާއި ގިނައިން ފޮރުވިގެން އުޅޭނީ ފެނުގައި ހެދޭ ގަސްތަކުގެ ތެރޭގައި ކަމަށްވެސް އެއިންސްޓިޓިއުޓުން ވަނީ ބުނެފަ އެވެ.
މީގެހަރުފަ އާންމުކޮށް ބޮޑުވަނީ ތިން ފޫޓް ހަ އިންޗިއަށް ކަމަށާއި ނަމަވެސް ބައެއް ހަރުފަ ފަސް ފޫޓަށްވެސް ބޮޑުވާކަމަށް ފްލޮރިޑާގެ ނޭޗަރަލް ހިސްޓްރީ އާ ގުޅޭ މިޔުޒިއަމް އިން ބުނެއެވެ.
