ބޯޓެއް އޮޔާދާތީ ސަމާލުވުމަށް އިލްތިމާސްކޮށްފި
20 ފެބުރުއަރީ 2020 | ބުރާސްފަތި 18:45އެ ބޯޓު އޮޔާގެންދަނީ ހއ. ދިއްދޫ އާއި ހއ. ވަށަފަރާ ދޭތެރެއަށް ހުޅަނގު އުތުރަށް ކަމަށް އެމްއެންޑީއެފް އިން
މުހައްމަދު ފަޒީން | 20 ފެބުރުއަރީ 2020 | ބުރާސްފަތި 18:45
އެމްއެންޑީއެފްގެ ކޯސްޓްގާޑު އުޅަނދެއް
ބޯޓެއް އޮޔާދާތީ ކަނޑުދަތުރުފަތުރު ކުރާ ފަރާތްތަކުން ސަމާލުވުމަށް އިލްތިމާސްކޮށްފި އެވެ.
އެމްއެންޑީއެފުން ބުނީ، ހއ. އަލިދޫގެ އިރު އުތުރު ފަރާތުން ދެފެންދޭތެރެއަށް އަޑިއަށް ގޮސްފައިވާ ފައިބަރު ބޯޓެއް އޮޔާދާތީ ކަނޑުދަތުރުފަތުރު ކުރާ ފަރާތްތަކުން ސަމާލުވުމަށް އެދޭ ކަމަށެވެ. އެމްއެންޑީއެފުން ބުނީ އޮޔާދަނީ 37 ފޫޓުގެ ފައިބަރު ބޯޓެއް ކަމަށެވެ.
އެ ބޯޓު އޮޔާ ގެންދަނީ ހއ. ދިއްދުއާއި ހއ. ވަށަފަރާ ދޭތެރެއަށް ހުޅަނގު އުތުރަށް ކަމަށް އެމްއެންޑީއެފުން ބުންޏެވެ.
އެހެންކަމުން އެ ޞަރަޙައްދުން ރޭގަނޑު ދަތުރުކުރާ އުޅަނދު ފަހަރުތަކުން މިކަމަށް އިތުރަށް ސަމާލުކަން ދިނުމަށް އެމްއެންޑީއެފުން ވަނީ އިލްތިމާސްކޮށްފައެވެ.
