މާދަމާ އިން ފެށިގެން، ހުޅުމާލޭގައި ބާބަކިއު ހަދަން ވަގުތީ ދެ ސަރަހައްދެއް
20 ފެބުރުއަރީ 2020 | ބުރާސްފަތި 13:27ބާބަކިއު ހަދަމުން އައި ސަރަހައްދު ބަންދުކުރީ މި މަހުގެ 16 ވަނަ ދުވަހު
ހުޅުމާލެ ބާބަކިއު ޕޮއިންޓް
ހުކުރު ދުވަހުން ފެށިގެން ހުޅުމާލެގައި، ވަގުތީ ގޮތުން ބާބަކިޔު ހެދޭނެ ދެ ސަރަހައްދެއް ހައުސިންގ ޑިވޮލޮޕްމެންޓް ކޯޕަރޭޝަން (އެޗްޑީސީ) ހަމަޖައްސައިފިއެވެ.
ވަގުތީ ގޮތުން ބާބަކިއު ހެދުމަށް އެޗްޑީސީން ހަމަޖައްސާފައިވަނީ، ހުޅުމާލެ ރުތްގަނޑު ދެ ސަރަހައްދެވެ.
އެ ސަރަހައްދުގައި ބާބަކިއު ހެދުމަށްޓަކައި ބޭނުން ކުރެވޭނީ ހަމައެކަނި ''ކޯލް'' ކަމަށް އެޗްޑީސީން ބުންޏެވެ. އެޗްޑީސީން ބުނީ، ވަގުތީ ގޮތުން ބާބަކިޔު ހަދަން ހަމަޖެއްސި ދެ ސަރަހައްދުގައި މަސްކަނޑާ ހުޅުނބު ޖެހުމަކީ މަނާކަމެކެވެ.
ހުޅުމާލެގައި ބާބަކިިއު ހަދަން ބޭނުންކުރި ސަރަހައްދު ބަންދުކޮށްފައިވަނީ ހުސްވި ހަފުތާގައެވެ. އެ ސަރަހައްދު ބަންދުކުރީ، ހުޅުމާލެ ފޭސް އެެކެއް އަދި ދޭއް ތަރައްގީ ކުރުމަށްޓަކައި އެ ސަރަހައްދު ސާފުކުރުމުގެ ގޮތުންނެވެ.
