ކ. މާލެ
|
19 ފެބްރުއަރީ 2020 | ބުދަ 12:20
ޑރ، ބިލާލް ފިލިޕްސް
ޑރ، ބިލާލް ފިލިޕްސް
ގޫގުލް
ދީނީ އިލްމުވެރިޔާ ޑރ. ބިލާލު ފިލިޕްސް
ދީނީ އިލްމުވެރިޔަކު ނުގެނައުމަކީ ލާދީނީވުންތޯ: ޝެއިހް ހުސައިން
 
ރާއްޖެއިން ހަރުކަށި ފިކުރުގެ ހަރަކާތްތައް ނައްތާލަން ސަރުކާރުން ދަނީ މަސައްކަތް ކުރަމުން
 
މަޝްހޫރު ދީނީ އިލްމްވެރިޔާ މުފްތީ މެންކް މިދިއަ މަހު ވަނީ ރާއްޖެ ވަޑައިގެން ބޮޑެތި ބައެއް ރަށްތަކުގައި ވެސް ދަރުސް ދެއްވާފައި
 
ޑރ. ބިލާލު ފިލިޕްސްއަކީ ފަރުކަށި ފިކުރުގެ ބޭފުޅެއްކަމަށް ބޭރުގެ ބައެއް ރިޕޯޓްތަކުގައި ބުނެފައިވާއިރު، އިސްލާމީ ބައެއް ގައުމުތަކަށް ވަޑައިގެންނެވުން މަނާ ކޮށްފައިވާ ބޭފުޅުން ކަމަށްވޭ

ދީނީ އިލްމުވެރިޔަކު ނުގެނައުމަކީ ލާދީނީވުންތޯއޭ ވިދާޅުވެ، ދީނީ އިލްމުވެރިޔާ ޝެއިހް ހުސައިން ރަޝީދު ސުވާލު އުފައްދަވައިފިއެވެ.

ޝެއިހް ހުސައިން ރަޝީދު މިހެން ވިދާޅުވެ، ޓްވީޓް ކުރައްވާފައި މިވަނީ، ޔޫތް މިނިސްޓްރީން އިންތިޒާމުކޮށްގެން ބާއްވަން ނިންމި މަޝްހޫރު ދީނީ އިލްމުވެރިޔާ ޑރ. ބިލާލް ފިިލިޕްސްގެ ދަރުސް މަޑުޖައްސާލަން ނިންމި ނިންމުމާއި ގުޅިގެން، ރާއްޖޭގެ ބައެއް ދީނީ އިލްމުވެރިންގެ ހުރި ކަންބޮޑުވުންތައް ސޯޝަލް މީޑިއާގައި ފާޅުކުރައްވާފައި ވަނިކޮށެވެ.

ޔޫތް މިނިސްޓަރު އަހުމަދު މަހްލޫފް ކުރެއްވި ޓްވީޓެއްގައި ވިދާޅުވެފައިވަނީ، އުފައްދަމުންދާ ސުވާލުތަކާއި އަދި ކަންބޮޑުވުންތަކާ ގުޅިގެން، ކަމާގުޅޭ އިދާރާތަކުގެ ލަފާ ހޯދުމަށް ޑރ. ބިލާލް ފިލިޕްސް ގެ އިވެންޓް މަޑުޖައްސާލާފައިވާ ވާހަކަ މައުލޫމާތައްޓަކައި ހިއްސާ ކުރައްވާ ކަމަށެވެ.

ޑރ. ބިލާލު ފިލިޕްސް ގެނައުމާމެދު ބައެއް ދީނީ އިލްމުވެރިންގެ ކަންބޮޑުވުން އެންމެބޮޑަށް ފާޅު ކުރައްވާފައި ވަނީ، ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދު ކުރެއްވި ޓްވީޓަކާ ގުޅިގެންނެވެ.

ރައީސް ނަޝީދު ކުރެއްވި އެ ޓުވީޓުގައި ވިދާޅުވެފައިވަނީ، ޑރ. ބިލާލް ފިލިޕްސް އަކީ ދީނީ ހެޔޮލަފާ ނަސޭހަތް ދެއްވާ ބޭފުޅެއްގެ ގޮތުގައި ގިނަ އިސްލާމީ މުޖުތަމައުތަކުން ބަލައިނުގަންނަ ބޭފުޅެއް ކަމަށެވެ. އަދި އެ ބޭފުޅާ ރާއްޖެ ގެންނަން ނުފެންނަ ކަމަށް ރައީސް ނަޝީދު ވިދާޅުވިއެވެ.

ރައީސް ނަޝީދުގެ އެ ޓްވީޓާއި ގުޅިގެން، އެމަނިކުފާނަށް ސޯޝަލް މީޑިއާގައި އެންމެ ބޮޑަށް ރައްދު ދެއްވަމުން ގެންދަވާ ދީނީ އިލްމުވެރިޔާ ޑރ. އިޔާޒު ވިދާޅުވީ، ދީނީ ނަސޭހަތް ރަނގަޅު ގޮތުގައި ދެއްވާ ބޭފުޅުންނާއި އެނޫން ބޭފުޅުން ވަކިކުރައްވަން އެނގިވަޑައިގަންނަވާވަރަށްވުރެ އެމަނިކުފާނުގެ ލާދީނީކަން ބޮޑު ކަމަށެވެ. ނޭނގޭ ވާހަކަ ނުދައްކަވާ މަޑުން ހުރެވޭތޯ ބެއްލެވުމަށް ވެސް އިޔާޒު ވަނީ ރައީސް ނަޝީދުއަށް ގޮވާލައްވާފައެވެ. އަދި ވިދާޅުވީ "ފަތަށް" ވެސް ލުއިވާނީ އެގޮތް ކަމަށެވެ.

މޯލްޑިވްސް ނޭޝަނަލް ޔުނިވަރސިޓީގެ ލެކްޗަރާ ޝެއިހު އަލީ ޒައިދު ވިދާޅުވީ، މީހުން ލާދީނީއޭ ކިޔަނީ ކިޔަން ވެގެން ކަމަށެވެ. ބަރަހަނާވި އަންހެނާގެ ދިފާއުގައި ރޮއިހޭރި ރާއްޖެ އައުމަށް ދައުވަތުދީފައި، މުޅި ދުނިޔެއަށް މަޝްހޫރު އިސްލާމީ އިލްމުވެރިއެއް އަންނާތީ އެކަމާ ހިތަށް ކެތް ނުވެގެން "ޕަޕެޓް ކުދިންކޮޅާއެކު" ނުކުމެ އެކަމާ ދެކޮޅުވީ ކަމަށެވެ. އަދި މިއީ ކޮންފަދަ ސިފައެއްތޯއޭ ވިދާޅުވެ ޒައިދު ވަނީ ސުވާލު އުފައްދަވާފައެވެ.

ޑރ. ބިލާލު ފިލިޕްސްއަކީ އިސްލާމީ ބައެއް ގައުމުތަކުން ވެސް ގަބޫލު ކުރާގޮތުގައި ހަރުކަށި ފިކުރުގެ ބޭފުޅެއް ކަމަށް ބައިނަލް އަގްވާމީ ބައެއް ރިޕޯޓްތަކުގައި ފާހަގަކޮށްފައިވާ ބޭފެކެވެ. ހަރުކަށި ފިކުރާ ގުޅުންހުރި ބައެއް ކަންކަން ރައްޖޭގައި ހިންގަމުންދާއިރު، ހިންގާފައިވާ ބޮޑެތި ބައެއް ޖަރީމާތަކުގައި ވެސް ހަރުކަށި ފިކުރުގެ މީހުންގެ އަތެއްވާކަމަށް ވެއެވެ.

ދުނިޔޭގެ މަޝްހޫރު ދީނީ އިލްމުވެރިނަށް ދަރުސް ދެއްވުމުގެ ފުރުސަތު ރާއްޖެއިން ނުދޭކަމަށް ރާއްޖޭގެ ބައެއް ދީނީ އިލްމުވެރިން ވިދާޅުވި ނަމަވެސް، ދުނިޔޭގެ މަޝްހޫރު ދީނީ އިލްމުވެރިޔާ އިސްމާއިލް މޫސާ މެންކް، ނުވަތަ މުފްތީ މެންކް އަށް ދިވެހި ސަރުކާރުން ވަނީ ދާދިފަހުން ދައުވަތު ދެއްވާފައި ވެއެވެ. އަދި އެ ދައުވަތު ގަބޫލު ކުރައްވައި، މިދިއަ ޖެނުއަރީ މަހުގެ 14 ވަނަ ދުވަހު ރާއްޖެ ވަޑައިގެން، ރާއްޖޭގެ ބޮޑެތި ބައެއް ރަށްތަކުގަ އާއި މާލޭ ސިޓީގައި މުފްތީ މެންކް ވަނީ ދީނީ ދަރުސްތައް ދެއްވާފައި ވެއެވެ. އަދި އެހަފްތާގެ ހުކުރު ދުވަހު އިސްލާމީ މަރުކަޒުގައި ހުކުރު ހުތުބާ އިއްވާ ދެއްވައި އިމާމުވެ ހުކުރު ކުރައްވާ ވެއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަބުދުﷲ ނަސީރު އިބްރާހިމް
20%
0%
0%
12%
28%
40%
ކޮމެންޓް
21 ފެބްރުއަރީ 2020 | ހުކުރު 07:42
ޢާދަނުބެ
މީ ކޮންކަހަލަ ސޭހެތް މި ގައުމުގަ ދީމީ އެތްވެސް ދުނިޔެ އެދުމައިގެން ފޯވެ ފަ ހިރި ސޭހެތް ބަލަ ދީނީ ނަސޭހަތް ދިނުމަކީ ކޮންކަހަލަ ކަމެތް މީހުންނަށް ހެތޮގޮތްތަށް ބުނެދިނުމަކީ ކޮންކަހަލަ ކަމެތް މިވަރު ތި ސޭކު ހުސެން ރަސީދަށް ނޭނގުނީމަ ކޮންތާކުން ކިޔަވައިގެން ތިހުރީ ތިކަހަލަ މީހުންނަށް އަހަރުމެން ކިތަނީ ސޭކުން
20 ފެބްރުއަރީ 2020 | ބުރާސްފަތި 16:15
ނަޒަރު
ލާދީނީ ވުމަކީ ނުގެނައުމެއް ނޫން. ނުގެނައުމަށް ދައްކާ ހުއްޖަތު ތަކާމެދު ވިސްނީމުތަ? އެހެން މީހުނަށްވެސް ތަންދޮރު ފިލާނެ ދޯ!
20 ފެބްރުއަރީ 2020 | ބުރާސްފަތި 01:46
ޢީސާފުޅު
ދީންދެކެލޯބިވާ ދީނަށް އުޅެވޭތޯ ބުރަކޮށް މަސައްކަތްކުރާބަޔަކު ހީޙީ ހަލާކުވެސް ވެދާނެއެވެ. ބައެއް މުސްލިމް ދިވެހިންގެ ހިތުގައި ބިންވަޅު ނެގިފައިވާ ހަސަދަވެރިކަމާއިމެދު ވިސްނާލާ ބަޔަކު ލޮލުން ކަރުނަވެސް އަޅާނެއެވެ. ރާއްޖޭގައި މިއޮތް ހަރުކަށިކަމާއި ރާއްޖޭގައި ތިއްބެވި ދީނުގެ ޢިލްމުވެރިންގެ ޢަދަދު އެގޭބަޔަކު ހަމަ އާޝޯޚްވެސް ވެދާނެއެވެ. ޤައުމުން ބޭރުގެ ޢިލްމުވެރިޔަކު ބޮޑު ޚަރަދު ކޮށްގެން މިވަގުތުގައި ރާއްޖެއަށް ގެންނަން ނުފެންނަކަމަށް މީހަކު ޚިޔާލު ފާޅު ކުރާ ހިސާބުން އެމީހަކު ލާދީނީވެ މުރުތައްދުވެ ދީންވެސް ގެއްލޭ ކަމަށް މިޔޮށްގެން ގޮވާނަގަނީއެވެ. ޢިންސާނިއްޔަތުކަން އިސްކޮށް ރައްޔިތުންގެ ފުދުންތެރިކަން އިތުރުކޮށް ޞުލްޙައަށް އިސްކަންދީ ހެޔޮލަފާ ދިރިއުޅުމަކަށް ގޮވާލާ ޤައުމު ބަދަލު ކޮށްލުމުގެ ކިހާރަގަޅު އިނާމެއްތޯއެވެ. ޙެޔޮ ވިސްނުމެއްނެތް މުޑުދާރު ގޮވެލިފަތީގެ ސަބަބުން، އިޚްލާޞްތެރި ނިޔަތުގެ އަހުލުންނަށް ސަވާބު އިތުރު ކޮށް ދެއްވާށިއެވެ. އެންމެހާ މުސްލިމުންނަށް ހެޔޮވިސްނުން ދެއްވާށިއެވެ. ޢާމީން.