ރާއްޖޭގެ ޓީމުތަކާއި ދެކޮޅަށް ނުކުންނަ މެޗުތަކަކީ އަބަދުވެސް އުނދަގޫ މެޗުތަކެއް ކަމަށް އިންޑިއާގެ ބެންގަލޫރު އެފްސީގެ ކޯޗު ސްޕެއިންގެ ކާލެސް ކުއަޑްރާޓް ބުނެފި އެވެ.

ބެންގަލޫރު އެފްސީން ވަނީ މީގެ ކުރިންވެސް އޭއެފްސީ ކަޕްގައި ރާއްޖޭގެ މާޒިޔާ ސްޕޯޓްސް އެންޑް ރެކްރިއޭޝަން އާއި ނިއުރޭޑިއަންޓް ސްޕޯޓްސް ކްލަބާއި ދެކޮޅަށް ކުޅެފައެވެ. އޭގޮތުން މާޒިޔާ އާއި ދެކޮޅަށް ބެންގަލޫރުން ވަނީ 2015 ވަނަ އަހަރު އަދި 2017 ވަނަ އަހަރު ކުޅެފައެވެ. 2017 ވަނަ އަހަރު ކުޅުނު ދެ މެޗުން ވެސް މާޒިޔާ ބަލިވީ 1-0 ގެ ނަތީޖާއަކުންނެވެ. އެ ދެފަހަރު ވެސް މާޒިޔާ ވަނީ ބެންގަލޫރު އަތުން ބަލިވެފައެވެ. އަދި 2017 ވަނަ އަހަރު ކުޅުނު ދެ މެޗުން ވެސް މާޒިޔާ ބަލިވީ 1-0 ގެ ނަތީޖާއަކުންނެވެ. މީގެއިތުރުން 2018 ވަނަ އަހަރު ބެންގަލޫރުން ވަނީ ރާއްޖޭގެ ނިއުރޭޑިއަންޓް އަތުން އެއް މެޗުން މޮޅުވެ އަނެއް މެޗުން ބަލިވެފައެވެ.

އެފްއޭއެމް ހައުސްގައި އަންގާރަ ދުވަހު އޮތް ނޫސްވެރިންގެ ބައްދަލުވުމުގައި ބެންގަލޫރުގެ ކޯޗު ކުއަޑްރާޓް ބުނީ ރާއްޖޭގެ ޓީމުތަކަކީ އަބަދުވެސް އޭއެފްސީ ކަޕަށް ވަރަށް ރަނގަޅަށް ތައްޔާރުވާ ޓީމް ތަކެއް ކަމަށާއި، ރާއްޖެ އާއި އިންޑިއާ އާއި އޮންނަ ވާދަވެރި ކަމެއްގެ ސަބަބުން ރާއްޖޭގެ ޓީމުތަކާއި ދެކޮޅަށް ކުޅޭ މެޗުތަކަކީ ފޯރިގަދަ މެޗުތަކަކަށްވާ ކަމަށެވެ. އެގޮތުން މީގެ ދެ އަހަރު ކުރިން ބެންގަލޫރު އެފްސީ ވަނީ ނިއުރޭޑިއަންޓް އަތުން ބަލިވެފައި ކަމަށެވެ.

މި މެޗަށް ބެންގަލޫރުން ނުކުންނައިރު ޓީމު އޮތީ ވަރަށް ރަނގަޅަށް ތައްޔާރުވެފައި ކަމަށާއި ނަމަވެސް ޓީމުގައި އަނިޔާގެ މައްސަލަ އެބަހުރި ކަމަށް ވެސް ކުއަޑްރާޓް ބުންޏެވެ.

މާޒިޔާ އަދި ބެންގަލޫރު އެފްސީ ބައްދަލުކުރާ މެޗު އޮންނާނީ ބުދަ ދުވަހުގެ ހަވީރު 16:00 ގައި ގައުމީ ފުޓުބޯޅަ ސްޓޭޑިއަމްގައެވެ.