ހުޅުމާލޭގައި ފަތުރުވެރިންތަކަށް ހަމަލާ ދިނުމުގެ ޒިންމާ ހަރުކަށި ފިކުރުގެ ބަޔަކު ނަގައިފި
5 ފެބުރުއަރީ 2020 | ބުދަ 16:40ތިން ފަތުރުވެރިއަކަށް ތޫނު އެއްޗަކުން ވަނީ ހަމަލާދީފައި
އިސްލާމިކް ސްޓޭޓްގެ ހަނގުރާމަވެރިންތަކެއް
އަންގާރަ ދުވަހުގެ ރޭގަނޑުގެ ވަގުތެއްގައި ހުޅުމާލޭގައި ފަތުރުވެރިންތަކަކަށް ދިން ހަމަލާގެ ޒިންމާ، ދިވެހިރާއްޖޭގައި ހަރަކާތްތެރިވާ އިސްލާމިކް ސްޓޭޓްގެ ގޮއްޕެއް ކަމަށް ދައުވާކުރާ ބަޔަކު ނަގައިފި އެވެ.
ސޯޝަލް މީޑިއާގައި އެ މީހުން އާންމުކޮށްފައިވާ ވީޑިއޯއެއް ދައުރުވަމުން އަންނަ އިރު، ފުލުހުން އަންނަނީ އެ ވީޑިއޯގެ ސައްހަކަން ކަށަވަރުކުރުމުގެ މަސައްކަތް ކުރަމުންނެވެ. މިހާތަނަށް މި މައްސަލައިގައި އެއްވެސް މީހަކު ހައްޔަރުކޮށްފައެއް ނުވެއެވެ.
މިހާރު ދައުރުވަމުންދާ ވީޑިއޯގައި މޫނު ނިވާކޮށްގެން ތިބި ބަޔަކު، ތިމަންނާމެންމީ އިސްލާމިކް ސްޓޭޓްގެ ދިވެހިރާއްޖޭގެ ގޮފިކަމަށް ބުނެފައިވެއެވެ. އަދި ރާއްޖެއަށް އަންނަ ފަތުރުވެރިންނަށް އިތުރު ހަމަލާތަކެއް ދޭނެ ކަމުގެ ވަރުގަދަ އިންޒާރެއް ވަނީ ދީފައެވެ.
ފަތުރުވެރިންނަށް ހަމަލާދިން ސަބަބެއް ކަމަށް އެ ވީޑިއޯގައި ވާހަކަދައްކާ ފަރާތުން ބުނެފައިވަނީ، ފަތުރުވެރިންނަށް އަމާޒުކުރީ އެއީ ސަރުކާރުގެ ބަލިފަޔަށް ވުމުން ކަމަށެވެ. އެ ވީޑިއޯގައި އިނގިރޭސި ސަބްޓައިޓްލްސް ވެސް ހިމަނާފައިވެއެވެ.
