ސްޓޫޑެންޓް ލޯނަށް ކުރިމަތިލުމަށް މި މަހުގެ ތެރޭގައި ހުޅުވާލަނީ
5 ފެބުރުއަރީ 2020 | ބުދަ 02:16ހަޔަރ އެޑިއުކޭޝަނުން ތާރީހެއް އިއުލާން ނުކުުރޭ
ހަޔަރ އެޑިއުކޭޝަނުން ބޭއްވި ޕްރެސްކޮންފަރެންސެއްގެ ތެރެއިން
ރާއްޖެއާ ރާއްޖެއިން ބޭރުގައި މަތީ ތަޢުލީމު ޙާޞިލުކުރަން ބޭނުންވާ ދަރިވަރުންނަށް ދޫކުރާ ލޯނުތަކަށް ކުރިމަތިލުމުގެ ފުރުޞަތު މި މަހުގެ ތެރޭގައި ހުޅުވާލަން ނިންމައިފިއެވެެ.
އަދި މިހާތަނަށް މި އަހަރުގެ ލޯން ސްކީމް ހުޅުވާލާފައެއް ނުވެއެވެ. ހަޔަރ އެޑިއުކޭޝަން މިނިސްޓްރީގެ އިސް އޮފިޝަލަކު ރާއްޖެ.އެމްވީ އަށް ވިދާޅުވީ، މި ހިނގާ ފެބްރުއަރީ މަހުގެ ތެރޭގައި ލޯނަށް ހުޅުވާލާނެ ކަމަށެވެ. އެކަމަކު ވަކި ތާރީޚެއް އޮފިޝަލް ހާމަކޮށްފައެއް ނުކުރައްވައެވެ.
ހުސްވި އަހަރު ސްޓޫޑެންޓް ލޯނަށް ކުރިމަތިލި ދަރިވަރުންގެ ތެރެއިން 163 ފަރާތަކަށް ވަނީ ލޯނު ދޫކޮށްފައެވެ.
ކުރިން ލޯނުގެ އުޞޫލު ހަމަޖެހިފައި އޮންނަ ގޮތުން ދަރިވަރުންނަށް ކިޔަވަން ދެވެނީ ސަރުކާރުން ކަނޑައަޅާ ޤައުމުތަކަށެވެ. ނަމަވެސް އުޞޫލަށް ގެނައި ބަދަލާއެކު މިހާރު އެކުއްޖަކު ބޭނުން ޤައުމަކުން ކިޔެވުމުގެ ފުރުޞަތު އޮތް އިރު ،ކޮންމެ ޤައުމަކަށް ދިޔަ ނަމަވެސް ހިނގާ ޚަރަދު ބޮޑު ވިނަމަވެސް އެ އިތުރުވާ ޢަދަދު އެކުއްޖަކު އަމިއްލައަށް ޚަރަދު ކުރާ ގޮތަށް ލޯނުގެ އުޞޫލަށް ބަދަލު ގެނެސްފައި ވެއެވެ.
