މާލޭ ސިޓީ ކައުންސިލްގެ އާއްމު ޖަލްސާތައް އަންގާރަ ދުވަހުން ފެށިގެން ލައިވްކުރާ ގޮތަށް ހަމަޖައްސައިފިއެވެ.
ސިޓީ ކައުންސިލުން ބުނީ، ލައިވް ކޮށްގެން ބާއްވާ ފުރަތަމަ ޖަލްސާ އޮންނާނީ އަންގާރަ ދުވަހު 16:00 ގައެވެ. ލައިވް ކުރާ ޖަލްސާތައް އޮންނާނީ މާލޭ ސިޓީ ކައުންސިލްގެ މާފަންނު އޮފީހުގައެވެ.
ސިޓީ ކައުންސިލުން ހަމަޖައްސާފައިވަނީ ޖަލްސާތައް ބާއްވާއިރު ޖާގަ އޮތް މިންވަރަކުން އަޑުއެހުމަށް ޢާއްމުންނަށް ވަދެވޭގޮތަށެވެ. ޖަލްސާ އަޑުއަހަން ބޭނުންވާ ފަރާތްތަކުން އެދުވަހު 13:45 އަށް ހާޒިރުވާން ވާނެކަމަށް ކައުންސިލުން ބުންޏެވެ.
މާލޭ ސިޓީ ކައުންސިލްގެ މާފަންނު އޮފީހުގައި ކުރަމުންދިޔަ އެޑްމިނިސްޓްރޭޝަންގެ މަސައްކަތާއި، ޕްރޮކިއުމަންޓް މަސައްކަތް މިހާރުވަނީ އެމް.ޑަބްލިޔު.އެސް.ސީގެ ކަސްޓަމަރ ސަރވިސް ބިލްޑިންގގެ 4 ވަނަ ފަންގިފިލާއަށް ބަދަލުވެފައެވެ.
މާލެ ސިޓީން ބާއްވާ ޖަލްސާތައް ލައިވްކުރަން ނިންމާފައިވާއިރު، މީގެ ކުރިން ކައުންސިލުން ނިންމާ ނިންމުންތައް ހަމާކުރަނީ ޕްރެސް ކޮންފަރެންސް ނުވަތަ ޕްރެސް ރިލީޒްއަކުންނެވެ.
