ދ.ކުޑަހުވަދޫ ހުޅަނގު ފަރާތު ފަޅުތެރޭގައި ގެނބިފައިވާ މީހަކަށް އެރަށު ހޮސްޕިޓަލްގައި ފަރުވާދެމުން ދަނިކޮށް މަރުވެއްޖެ އެވެ.
ފުލުހުން ބުނީ ބުރާސްފަތި ދުވަހުގެ އިރުއޮއްސި 18:00 ހާއިރު ކުޑަހުވަދޫ ފަޅުތެރޭގައި އުމުރުން 55 އަހަރުގެ ދިވެހި ފިރިހެނަކު ގެނބިފައި އޮއްވާ ފެނިގެން އެރަށު ހޮސްޕިޓަލަށް ގެންދިޔަ ކަމުގެ މައުލޫމާތު ލިބިފައިވާކަމަށެވެ. އަދި މިމީހާ 18:45 ހާއިރު ނިޔާވެފައިވާކަމަށް ޑޮކްޓަރުން މައުލޫމާތުދީފައިވާ ކަމަށް ފުލުހުން ބުނެ އެވެ.
މިހާދިސާ އާއި ގުޅިގެން ފުލުހުން ބަލަންޖެހޭ ކަންކަން ބަލުމުންދާކަމަށް ފުލުހުން ބުނެއެވެ.
