އަންގާރަ 18 ފެބުރުއަރީ 2020
ހިޔަވިހާ 5
1441 ޖުމާދުލް އާހިރަތު 24
ފަތިސް 05:06
އިރުއަރާ 06:19
މެންދުރު 12:24
އަސްރު 15:40
މަޣްރިބް 18:22
އިޝާ 19:34
ރާއްޖެ - ކޮރޯނާ ވައިރަސް

ކޮރޯނާ ވައިރަސް އަށް ޝައްކުވާ މީހަކު ފެނިފައެއް ނެތް: އެޗްޕީއޭ

  • ކޮރޯނާ އަށް ސްކްރީން ކުރުމުގެ ކަންތައް އެއާޕޯޓުގައި ކުރިޔަށްދޭ
  • ދަތުރުކުރާއިރު ސަމާލުވާން އިރުޝާދު ދީފައިވޭ
  • 500 އަށްވުރެ ގިނަ މީހަކު ދަނީ ފަރުވާ ހޯދަމުން

އަލީ ސަމާޚް
AliSamah8

ކ. މާލެ 23 ޖެނުއަރީ 2020 | ބުރާސްފަތި 11:55 1,778

ބަލީގެ ސަބަބުން ގިނަ ބަޔަކު ދަނީ ފަރުވާ ހޯދަމުން - ވޮޝިންގްޓަން ޓައިމްސް

ޗައިނާގައި މިހާރު ފެތުރެމުންދާ ''ކޮރޯނާ'' ވައިރަސް އަށް ޝައްކުވާ މީހަކު އަދި މިހާތަނަށް ރާއްޖެއިން ފެނިފައިނުވާ ކަމަށް ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނެފިއެވެ.

ރާއްޖެއަކީ ޗައިނާގެ ގިނަ ބަޔަކު ޒިޔާރަތްކުރާ ގައުމަކަށްވާއިރު، ''ކޮރޯނާ'' ވައިރަސް ރާއްޖެއަށް ފެތުރިދާނެކަމުގެ ބިރުއޮތުމުން، ހެލްތް މިނިސްޓްރީންނާއި ކަމާއިބެހޭ އިދާރަތްތަކުން ދަނީ ދުރާލާ ފިޔަވަޅުތައް އަޅަމުންނެވެ.

ބުދަ ދުވަހުން ފެށިގެން ރާއްޖޭގެ ބައިނަލްއަގްވާމީ ބަނދަރު، ވެލާނާ އިންޓާނޭޝަނަލް އެއާޕޯޓުގައި ކޮރޯނާ އަށް ސްކްރީން ކުރުމަށް ތާމަލް ކެމެރާ ބޭނުންކުރަން ވަނީ ފަށާފައެވެ.

އެޗްޕީއޭއިން ބުނީ، އެއަރޕޯޓުގައި ސްކްރީނިންގް ކުރަން ފެށުމާއިއެކު ތާރމަލް ކެމެރާއިން ހުން ހުންނަ ކަމަށް ދައްކާ މީހުން އިތުރަށް އެސެސްކޮށް، ހިސްޓްރީ ނެގޭނެ ކަމަށެވެ. ނަމަވެސް އެސެސް ކުރުމަށްފަހު، މިވަގުތު އަދި ކޮރޯނާ ވައިރަސް އަށް ޝައްކުވާ މީހަކު ފެނިފައިނުވާ ކަމަށް އެ އިދާރާއިން ބުންޏެވެ.

ކޮރޯނާ ވައިރަސް ރާއްޖެއިން ފެނިފައިނުވިޔަސް، ޗައިނާ އަށް ދަތުރުކުރާ ދިވެހިން ހާއްސަ ސަމާލުކަމެއް ދިނުމަށް އެޗްޕީއޭއިން ވަނީ އިލްތިމާސްކޮށްފައެވެ.

ޗައިނާއިން ކޮރޯނާ ވައިރަސް ފެނިފައިވަނީ އެ ގައުމުގެ ހޫބޭ ޕްރޮވިންސްގެ ވުހާން ސިޓީންނެވެ. ބަލިފެތުރެން ފެށުމާއި އެކު ވުހާން ސިޓީގެ ދަތުރުފަތުރުތަށް ވަނީ ހުއްޓުމަކަށް އައިސްފައެވެ. ކޮރޯނާ ވައިރަސްގެ ސަބަބުން 500 މީހުންނަށް މިހާރުވެސް ފަރުވާހޯދަމުން އަންނަ ކަމަށް ޗައިނާގެ ދައުލަތުގެ މީޑިއާއިން ރިޕޯޓުކޮށްފައިވެއެވެ.

އެންމެ ފަހުން އަޕްޑޭޓް ކުރީ: 4 ހަފްތާކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.

ކޮމެންޓް