ކ. މާލެ
|
16 ޖެނުއަރީ 2020 | ބުރާސްފަތި 08:35
އެމެރިކާގެ ރައީސް ޑޮނަލްޑް ޓްރަމްޕް
އެމެރިކާގެ ރައީސް ޑޮނަލްޑް ޓްރަމްޕް
އަލްޖަޒީރާ
ޓްރަމްޕް
ޓްރަމްޕްގެ އިމްޕީޗްމެންޓް އަރޓިކަލްސް ޔޫއެސް ހައުސް އިން ސެނަޓަށް ފޮނުވަން ފާސްކޮށްފި
 
ސެނެޓުން ޝަރީޢަތް ފަށާނީ މިޖެނުއަރީ މަހުގެ 21 ވަނަ ދުވަހު
 
ޓްރަމްޕް ވެރިކަމުން އަޒުލުކުރުމަށް ފާސްކޮށްފައިވަނީ މިދިޔަ އަހަރުގެ ޑިސެމްބަރ މަހުގެ 18 ވަނަ ދުވަހު

އެމެރިކާގެ ރައީސް ޑޮނަލްޑް ޓްރަމްޕް ވެރިކަމުން ޣަޒުލުކުރުމަށް ޔޫއެސް ހައުސް އޮފް ރެޕްރެޒެންޓޭޓިވް އިން ފާސްކޮށްފައިވާ އިމްޕީޗްމެންޓް އަރޓިކަލްސްތައް ޔޫއެސް ހައުސް އިން ސެނަޓަށް ފޮނުވައިފި އެވެ.

ޓްރަމްޕާ ދެކޮޅަށް ދެ އިމްޕީޗްމެންޓް އަރޓިކަލްސް ޔޫއެސް ހައުސް އިން ސެނަޓަށް ފޮނުވާފައި މިވަނީ ބުދަ ދުވަހުއެވެ. އެއާއެކު ދެން ސެނެޓްގައި ޓްރަމްޕް ވެރިކަމުން ވަކިކުރުމުގެ ޝަރީޢަތް ކުރިޔަށްދާނެއެވެ. ސެނެޓް ކޮންޓްރޯލް ކުރަމުންދަނީ ޓްރަމްޕް ނިޞްބަތްވެ ވަޑައިގަންނަވާ ރިޕަބްލިކަނުންނެވެ. އެއީ 53 މެންބަރުންނެވެ.

ޓްރަމްޕް ވެރިކަމުން ވަކިކުރުމުގެ މައްސަލަ ސެނެޓްގައި ކުރިޔަށްގެންދަވާނެ ހައުސްގެ ހަތް މެންބަރުންގެ ނަން އިޢުލާންކުރައްވަމުން ހައުސްގެ ސްޕީކަރ ނޭންސީ ޕެލޯސީ ވިދާޅުވީ މިއީ އެމެރިކާގެ ޤާނޫނު އަސާސީ ދެމެހެއްޓުމާއި ގުޅުންހުރި ކަމެއް ކަމަށެވެ.

ރައީސް ވަނީ ކުރެއްވި ހުވަ އާއި ޚިލާފުވެފައި. ގައުމުގެ ސަލާމަތް ނުރައްކަލަށް ހުށަހަޅާފައި. އިންތިޚާބަށް ހުރަސް އަޅާފައި. އަމިއްލަ އަދި ސިޔާސީ ބޭނުމަށް ފަންޑުތައް ހުއްޓުވާފައި.
ހައުސްގެ ސްޕީކަރ ނޭންސީ ޕެލޯސީ

ޑިމޮކްރަޓުން ކޮންޓްރޯލް ކުރާ ޔޫއެސް ހައުސް އޮފް ރެޕްރެޒެންޓޭޓިވް އިން ޓްރަމްޕް ވެރިކަމުން ޣަޒުލުކުރުމަށް ފާސްކޮށްފައިވަނީ މިދިޔަ އަހަރުގެ ޑިސެންބަރ މަހުގެ 18 ވަނަ ދުވަހު އެވެ. ޓްރަމްޕުގެ މައްޗަށް ވެރިކަމުން ދުރުކުރުމަށް ހުށަހެޅީ ދެ މައްސަލައެކެވެ. އެއީ ޔޫކްރެއިން ގެ ރައީސަށް ފޯނުން ގުޅުއްވާ އެމެރިކާގެ ކުރީގެ ނައިބު ރައީސް ޖޯ ބައިޑަން ގެ މައްސަލައެއް ތަހުޤީޤުކުރެއްވުމަށް އެދިވަޑައި ގެންނެވުމުންނެވެ. ބައިޑަން ވަނީ ޑިމޮކްރަޓިކް ޕާޓީގެ ފަރާތުން ރިޔާސީ އިންތިޚާބަށް ނިކުންނަވަން ނިންމަވާފަ އެވެ. މިމައްސަލަ ބެލުމަށް ޔޫކްރޭނަށް ޕްރެޝަރ ކުރުމުގެ ގޮތުން ޓްރަމްޕުވަނީ ޔޫކްރެއިނަށް ދިނުމަށް ކޮންގްރެސް އިން ފާސްކޮށްފައިވާ 400 މިލިއަން ޔޫއެސް ޑޮލަރުގެ އަސްކަރީ އެހީވެސް ހިފަހައްޓާފަ އެވެ.

ދެން ޓްރަމްޕުގެ މައްޗަށް އިތުބާރު ނެތްކަމުގެ ވޯޓު ފާސްކޮށްފައިވަނީ މިމައްސަލަ ތަހުޤީޤު ކުރަމުންދިޔައިރު ބާރު ބޭނުން ހިތްޕަވާ މަޤާމުގެ ނުފޫޒު ބޭނުންކުރައްވައިގެން ތަހުޤީޤަށް ހުރަސް އެޅިކަމުގެ މައްސަލައިގައެވެ.

ޓްރަމްޕް ވެރިކަމުން ވަކިކުރުމަށް ފާސްކުރުމަށް ފަހު ނޭންސީ ވަނީ މިމައްސަލަ ސެނެޓަށް ނުފޮނުވާ ލަސްކޮށްލައްވާފަ އެވެ. އެއީ ޓްރަމްޕްގެ ޝަރީޢަތް ވަކިކޮޅަށް ނުޖެހި ކުރިއަށް ގެންދެވޭނެ ކަމުގެ ޔަޤީންކަން ލިބެންދެން ކަމަށް ނޭންސީ ވަނީ ކުރިން ވިދާޅުވެފައެވެ. ޑިމޮކްރޭޓު މެންބަރުން ގެންދަވަނީ މިމައްސަލަ ޓްރަމްޕް ނިޞްބަތްވެވަޑައިގަންނަވާ ރިޕަބްލިކަނުން ކޮންޓްރޯލް ކުރާ ސެނެޓުން ރަނގަޅު ކުރިޔަށް ނުދާނެކަމުގެ ކަންބޮޑުވުން ފާޅުކުރައްވަމުންނެވެ.

ޓްރަމްޕްގެ އިމްޕީޗްމެންޓް އަރޓިކަލްސްތަކުގައި ސޮއިކުރުމަށް އަދި ވަކިން ރަސްމިއްޔާތެއް ބާއްވާނެ އެވެ. އެއަށްފަހު މިމައްސަލަ ސެނެޓްގައި ކުރިޔަށް ގެންދިޔުމަށް ހައުސްއިން ކަނޑައެޅުއްވި ހަތް މެންބަރުން މި ޑޮކިޔުމެންޓްތައް ސެނެޓަށް ގެންދާނެ އެވެ.

ސެނެޓުން ޝަރީޢަތް ފަށާނީ މިޖެނުއަރީ މަހުގެ 21 ވަނަ ދުވަހު އެވެ. އަދި މި ޝަރީޢަތުގެ އަޑުއެހުންތައް ތިން ވަނަ ހަފުތާ އާއި ހަތަރު ހަފުތާ އާ ދެމެދުގެ މުއްދަތަށް ކުރިޔަށްދާނެކަމަށް ލަފާކުރެ އެވެ. ސެނެޓުގައި ކުރިޔަށްދާ ޝަރީޢަތުގައި ޑިމޮކްރޭޓުންނަށް ރިޕަބްލިކަންގެ ހަތަރު މެންބަރުންގެ ހެކިބަސް ބަޔާން ބޭނުންވާނެ އެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ޒިހްނަތު ހަސަން
0%
100%
0%
0%
0%
0%
ކޮމެންޓް
ގުޅުންހުރި
ދައުލަތުގެ މުވައްޒަފަކާ ގުޅުންހުރި ފަރާތަކާއެކު ވިޔަފާރީގެ މުޢާމަލާތް ކުރެވޭނެ ގޮތްތައް ބަޔާންކޮށް އުސޫލެއް ނެރެފި
ފުލުހުންގެ ހިދުމަތަށް 91 އަހަރު - މިދިޔަ 5 އަހަރަކީ ފުލުހުންގެ ތަރައްގީއަށް އެންމެ ގިނަ މަސައްކަތްކުރެވުނު 5 އަހަރު
ފައްޔާޒު ފުލުހަށް ހާޒިރުކުރުން: މިއީ އަނިޔާވެރިކަމުގެ ފެށުންތަ؟
މަސްތުވާތަކެތި ބޭނުންކޮށް، ގެންގުޅެ އެތަކެތީގެ ވިޔަފާރި ކުރުމުގެ ތުހުމުގައި މީހަކު ބަންދުކޮށްފި
ސަރުކާރު ބަންދު ގިނަ ދުވަސްތަކެއް އަންނާތީ، މުއްދަތު ހަމާވާ ލައިސެންސްތަކުގެ ތާރީހުތަކަށް ބަދަލުތަކެއް
އެންމެ ޒަމާނީ ވަސީލަތްތައް ހޯދައި، ސިފައިންގެ ގާބިލުކަން އިތުރުކުރުމަށް ދަނީ ގިނަ މަސައްކަތްތަކެއް ކުރަމުން: މިނިސްޓަރު
ތުއްތުކުދިން ޤުރުއާނަށް ލޯބިޖެއްސުމަށް ޤުރުއާން މުބާރާތްތައް ކުރިޔަށް ގެންދިއުމަކީ މުހިންމުކަމެއް - ފަސްޓްލޭޑީ ސާޖިދާ
ރަމަޟާންމަހު ފަހު 10ގައި ބީއެމްއެލްއިން ހިދުމަތްދޭނެ ގަޑިތައް އާންމުކޮށްފި