ކ. މާލެ
|
16 ޖެނުއަރީ 2020 | ބުރާސްފަތި 00:37
ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދު
ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދު
އެޖެންޑާ 19 ރަށަށް
ޕީޕީއެމާއި ވާދަވެރިންގެ އެންމެ ބޮޑު ހުނަރަކީ ފިތުނަ ފަސާދަ އުފައްދާ ދޮގުހަދާ ދެބައޮޑުވުން: ރައީސް ނަޝީދު
 
އެމްޑީޕީތެރޭގައި އެކަކާއި އަނެކަކާއި ދެމެދު ފިތުނަ އުފެއްދުމާއި ރުޅިވެރިކަން އުފެއްދުމަކީ އިދިކޮޅުން ކުރި ހަމައެކަނި މަސައްކަތް
 
ވާދަވެރިން ވަރަށް ކުރިއަރާ މޮޅުވެފައިވާ ކަމަކީ އަޅުގަނޑުމެންނާ ދިމާލަށް ލާދީނީއޭ ގޮވުން
 
އެއްވެސް ބަޔަކު ނުދަންނަ ކަމަކާއިގެން އުޅެން ފަށައިފިއްޔާ އޭގެން ރަނގަޅެއް ނުނުކުންނާނެ

އިދިކޮޅު ސިޔާސީ ޕާޓީ ޕީޕީއެމާއި ވާދަވެރިންގެ އެންމެ ބޮޑު ހުނަރަކީ ފިތުނަ ފަސާދަ އުފައްދާ ދޮގުހަދާ ދެބައޮޑުވުން ކަމަށާއި، ލާމަރުކަޒީ ނިޒާމެއް ހިންގުމަކީ އެބޭފުޅުންނަށް ކުރެވޭނެ ކަމެއް ނޫންކަމަށް ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދު ވިދާޅުވެއްޖެއެވެ.

"އެޖެންޑާ 19 ރަށަށް: ކުޅުދުއްފުށި ސިޓީ" ގައި ބުދަ ދުވަހުގެ ރޭ ބޭއްވި ޖަލްސާގައި ވާހަކަދައްކަވަމުން ރައީސް ނަޝީދު ވިދާޅުވީ ވާދަވެރިން ދަންނަ ކަންތައް ވަރަށް ރަނގަޅަށް އެނގިވަޑައިގަންނަވާ ކަމަށާއި، އެއްވެސް ބަޔަކު ނުދަންނަ ކަމަކާއިގެން އުޅެން ފަށައިފިއްޔާ އޭގެން ރަނގަޅެއް ނުނުކުންނާނެ ކަމަށެވެ.

ޕީޕީއެމާއި އިދިކޮޅަށް ފާޑުވިދާޅުވަމުން ނަޝީދު ވިދާޅުވީ ދަންނަވަން އޮތްހާވެސް ވާހަކައަކީ ރަށުތެރެއިން އެހެންކަމެއް ހޯދައިގެން އެކަމުގައި އުޅުއްވަން ހައްދަވާށޭ ކަމަށެވެ.

އަޅުގަނޑުމެންނަނަށް އެބަފެނޭ ޕީޕީއެމާއި އަޅުގަނޑުމެންގެ ވާދަވެރިން ވަރަށް ކުރިއަރާ މޮޅުވެފައިވާ ކަންތައްތައް، ފުރަތަމަ ކަމަކީ އަޅުގަނޑުމެންނާ ދިމާލަށް ލާދީނީއޭ ގޮވުން. އެއީ ދިވެހިރާއްޖޭގެ އެއްވެސް ބަޔަކު ގަބޫލުކުރާ ވާހަކައެއް ނޫން. އެބޭފުޅުންގެ އެންމެ ބޮޑު ހުނަރަކީ ފިތުނަ އުފެއްދުން، ފަސާދަ އުފެއްދުން، ދޮގުހެދުން. ދެބައޮޑުވުން. ގައުމެއް ހަލާކުވެގެންދާނޭ ހުރިހާ ސިފަތަކެއް އެބޭފުޅުންގެ ސިޔާސީ ހަރަކާތެއްގައި ދައްކަވަމުން ގެންދަވަނީ. ނަސްލީ އިމްތިޔާޒުގެ އެންމެހާ ސިފަތައް. އެބޭފުޅުންގެ ވާހަކަތަކުން، އެބޭފުޅުންގެ ކޮންމެ ހަރަކާތަކުން އަޅުގަނޑުމެންނަށް ފެންނަމުން މިދިޔައީ އަދި ރާއްޖޭގެ ރައްޔިތުންގެ ރައްޔިތުންނަށް މާބޮޑަށް ސާފުވަމުން މިދިޔައީ މި ބޭފުޅުންނަނީ ހަމައެކަނި ފިތުނަ ފަސާދަ އުފައްދަން ތިއްބަވާ ބޭފުޅުންކަން.
ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދު

ނަޝީދު ވިދާޅުވީ އިދިކޮޅުގެ މަސައްކަތަކަށް މިދިޔަހާ ދުވަހު އެބޭފުޅުން ހައްދަވާފައި އޮތީ އެ މަސައްކަތް ކަމަށެވެ. އަދި އެމްޑީޕީތެރޭގައި އެކަކާއި އަނެކަކާއި ދެމެދު ފިތުނަ އުފެއްދުމާއި ރުޅިވެރިކަން އުފެއްދުމަކީ އިދިކޮޅުން ކުރި ހަމައެކަނި މަސައްކަތް ކަމަށެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަބުދުﷲ ނަސީރު އިބްރާހިމް
50%
13%
0%
0%
13%
25%
ކޮމެންޓް