ކަންގަނާގެ ޕްރޮޑަކްޝަން ކުންފުނި ލޯންޗުކޮށްފި

ބޮލީވުޑް އެކްޓްރެސް ކަންގަނާ ރަނައުތްގެ އަމިއްލަ ޕްރޮޑަކްޝަން ކުންފުނި، މަނިކަރްނިކަ ފިލްމްސް ލޯންޗުކޮށްފިއެވެ.

ކަންގަނާގެ އަމިއްލަ ޕްރޮޑަކްޝަން ލޯންޗު ކުރިކަން ޓްވިޓަރ މެދުވެރިކޮށް އިޢުލާން ކުރީ އޭނާގެ ކޮއްކޮ ރަންގޯލީ ޗަންދެލް އެވެ. އެ ޓްވީޓްގައި ރަންގޯލީ ބުނީ، ކަންގަނާ މަސައްކަތް ކުރަނީ އެ ކުންފުނީގައި ޕްރޮޑިއުސަރެއްގެ ގޮތުގައި ކަމަށެވެ. އަދި އެކުންފުނީގެ ޕްރޮޑަކްޝަނާއި، ޤާނޫނީ އަދި މާލީ ކަންކަން ބަލަހައްޓާނީ އަކްޝްތް އެވެ.

ކަންގަނާގެ ބޭބެ އަކްޝްތް އަކީ އެމެރިކާގެ ނިއުޔޯކް އެކެޑެމީން ފިލްމު ޕްރޮޑަކްޝަންސްގެ ދާއިރާއިން މަތީ ތައުލީމު ޙާޞިލުކޮށްފައިވާ މީހެކެވެ.

ކަންގަނާގެ އަމިއްލަ ޕްރޮޑަކްޝަން ކުންފުންޏެއް ލޯންޗު ކޮށްފައިވާއިރު، ކަންގަނާ އެންމެ ފުރަތަމަ ޑައިރެކްޓް ކުރި ފިލްމަކީ "މަނިކަރްނިކާ: ދަ ކުއީން އޮފް ޖާންސީ" އެވެ. އެ ފިލްމުގެ މައްސަލަތައް ބޮޑުވެ ފިލްމުގެ އަޞްލު ޑައިރެކްޓަރ ކްރިޝް ވަނީ ފިލްމު ދޫކޮށްލާފައެވެ.