ދަރަވަންދޫ ބަނދަރުގައި ވިޔަފާރި ތަރައްގީކުރުމުގެ ފުރުސަތު ހުޅުވާލައިފި
10 ޖެނުއަރީ 2020 | ހުކުރު 08:09800 އަކަފޫޓުގެ 5 ބިން، ދޫކުރަން ވަނީ ނިންމާފައި
ބ.ދަރަވަންދޫ
ބ. ދަރަވަންދޫ ބަނދަރުގެ ހުޅަނގު ބިމުގައި ވިޔަފާރި ތަރައްގީކުރުމުގެ ފުރުސަތު ހުޅުވާލައިފިއެވެ.
ދަރަވަންދޫ ކައުންސިލުން ބުނީ އެރަށުގެ ބަނދަރުގެ ހުޅަނގުގައިވާ ހުސްބިމުގައި، 800 އަކަފޫޓުގެ 5 ބިން، 15 އަހަރު ދުވަހުގެ މުއްދަތަށް ކުޔަށް ދޫކުރުމަށް ނިންމާފައިވާ ކަމަށެވެ. އަދި މިބިންތައް ކުއްޔަށް ހިފަން ބޭނުންވާ ފަރާތްތަކުން އެކަމަށްއެދި މައުލޫމާތު ސާފުކުރެއްވުމަށާއި، ޕްރޮޕޯސަލް ހުށަހެޅުމުގެ ފުރުސަތު ހުޅުވާލާފައިވާ ކަމަށް ކައުންސިލުން ބުނެއެވެ.
މީގެ އިތުރުން ކައުންސިލުން ބުނީ ބަނދަރުގެ ހުޅަނގު ބިމުގައި ވިޔަފާރި ތަރައްގީކުރުމުގެ މައުލޫމާތު ދިނުން އޮތީ މިމަހުގެ 16 ވާ ބުރާސްފަތި ދުވަހުގެ 11:00 ގައި ކަމަށެވެ. ޕްރޮޕޯސަލް ހުށަހެޅުން މިމަހުގެ 23 ވާ ބުރާސްފަތި ދުވަހުގެ 11:00 ގައި ކުރިއަށްދާނެ ކަމަށެވެ.
މީގެ އިތުރުން ކައުންސިލުން ބުނީ ޕްރޮޕޯސަލް ހުށަހެޅޭނީ ދަރަވަންދޫ ބަނދަރުގެ ހުޅަނގު ބިމުގައި ވިޔަފާރި ތަރައްގީކުރުމުގެ މައުލޫމާތު ލިބިގަންނަ ފަރާތްތަކަށް ކަމަށެވެ.
