23 ބައިވެރިންނާއި އެކު އެމްޕީއެލްގެ އެޕްރެންޓިސް ޕްރޮގްރާމް ފަށައިފި
9 ޖެނުއަރީ 2020 | ބުރާސްފަތި 08:14ހަތަރު ކެޓަގަރީއަކުން ބައިވެރިވޭ
އެމްޕީއެލްގެ އެޕްރެންޓިސް ޕްރޮގްރާމް ފެށުމުގެ ރަސްމިއްޔާތުގެ ތެރެއިން
މޯލްޑިވްސް ޕޯޓްސް ލިމިޓެޑް (އެމްޕީއެލް) އާއި ޓެކްނިކަލް އެންޑް ވޮކޭޝަނަލް އެޑިއުކޭޝަން އެންޑް ޓްރެއިނިން އޮތޯރިޓީ (ޓިވެޓް) އާ ގުޅިގެން ހިންގާ "އެޕްރެންޓިސް ޕްރޮގްރާމް" އިފްތިތާހްކޮށްފި އެވެ.
ބުރާސްފަތި ދުވަހު ކަސްޓަމްސް ބިލްޑިންގގައި ބޭއްވި އެ ހަފްލާގައި އެޕެރެންޓިސް ޕްރޮގްރާމަށް ހޮވުނު 23 ފަރާތަކަށް ސެޓްފިކެޓް ހަވާލުކޮށްފައިވެއެވެ. މި އެޕްރެންޓިސް ޕްރޮގްރާމްގެ ދަށުން، ހަތަރު ކެޓަގަރީއަކުން ބައިވެރިންނަށް އަމަލީ ތަޖުރިބާ ހޯދުމުގެ ފުރުސަތު އެމްޕީއެލްއިން ފޯރުކޮށްދޭނެ އެވެ.
ޕްރޮގްރާމްގެ ދަށުން ކޮންމެ މަހަކު 6،000 ރުފިޔާގެ އެލަވަންސް އެއް ލިބޭނެއެވެ. އެކަމަކު މުވައްޒަފުންނަށް ލިބޭ އެއްވެސް އިނާޔަތެއް މި މުއްދަތުގައި ނުލިބޭނެއެވެ. ޕްރޮގްރާމްގައި ކިޔަވައިދެނީ ޓިވެޓް ކަނޑައަޅާފައިވާ ނެޝަނަލް ކޮމްޕީޓެންސީ ސްޓެންޑަރޑްގެ ލެވެލް ތިނެއްގެ ސިލަބަހެވެ.
އެ ރަސްމިއްޔާތުގައި ވާހަކަ ދައްކަވަމުން ސީއީއޯ ޝާހިދު އަލީ ވިދާޅުވީ އެޕްރެންޓިސް ޕްރޮގްރާމްގެ ބައިވެރިންމިކުންފުނީގައި ހޭދަކުރާ ދުވަސްތައް އެންމެ ފުރިހަމަ ގޮތުގައި ބޭނުންކޮށް، މިޕްރޮގްރާމް އިން ލިބޭ އިލްމާއި ހުނަރު އެންމެ ފުރިހަމައަށް ހާސިލްކުރާނެ ކަމަށް އުންމީދުކުރައްވާ ކަމަށެވެ.
