އެޑިއުކޭޝަން މިނިސްޓްރީއަށް އެމްޑަބްލިއުއެސްސީން 10 ކޮމްޕިއުޓަރ ސިސްޓަމް ހަދިޔާކޮށްފި
ހަދިޔާކޮށްފައިވަނީ 10 ކޮމްޕިއުޓަރ ސިސްޓަމް
އެމްޑަބްލިއުއެސްސީގެ ފަރާތުން ކޮމްޕިއުޓަރ ސިސްޓަމްތައް ހަވާލުކުރަނީ
އެޑިއުކޭޝަން މިނިސްޓްރީއަށް އެމްޑަބްލިއުއެސްސީން 10 ކޮމްޕިއުޓަރ ސިސްޓަމް ހަދިޔާކޮށްފިއެވެ.
އެޑިއުކޭޝަން މިނިސްޓްރީގައި ހޮނިހިރު ދުވަހު ބޭއްވި ރަސްމިއްޔާތުގައި މިނިސްޓްރީގެ ފަރާތުން ކޮމްޕިއުޓަރތަކާއި ހަވާލުވެވަޑައިގަތީ ސްޓޭޓް މިނިސްޓަރ އަހުމަދު ރިޔާޒުއެވެ. އެމްޑަބްލިއުއެސްސީގެ ސީއެސްއާރު ޕްރޮޖެކްޓްގެ ދަށުން ހަދިޔާކުރި ކޮމްޕިއުޓަރތަކަކީ ރާއްޖޭގެ އެކިކަންކޮޅުތަކުގެ ސްކޫލްތަކުގައި ހަމަހަމަ ވަސީލަތްތައް ގާއިމްކުރުމަށް ސަރުކާރުން ގެންގުޅޭ ސިޔާސަތުތަކަށް އެއްބާރުލުން ދިނުމުގެ ގޮތުން ހަދިޔާ ކުރި ސިސްޓަމްތަކެއްކަމަށެވެ.
މިކަމާއި ގުޅިގެން އެޑިއުކޭޝަން މިނިސްޓްރީގެ ރަސްމީ ޓްވިޓަރ އެކައުންޓް މެދުވެރިކޮށް ކޮށްފައިވާ ޓުވީޓެއްގައި ބުނެފައިވަނީ، އެމްޑަބްލިއުއެސްސީން 10 ކޮމްޕިިއުޓަރ މިނިސްޓްރީއަށް ހަދިޔާކޮށްފައިވާކަމަށާއި އެކަމަށްޓަކައި ކުންފުނީގެ މެނޭޖްމަންޓާއި ހުރިހާ ފަރާތްތަކަށް ޝުކުރުއަދާކުރާކަމަށެވެ.
ދިރާސީ އައު އަހަރުގެ ކިޔެވުން މިމަހުގެ 12 ވަނަ ދުވަހު ފެށޭއިރު، މިނިސްޓްރީން ބުނެފައިވަނީ ހަދިޔާ ކުރި ސިސްޓަމްތައް މިއަހަރު ރާއްޖޭގެ އެކި ސްކޫލްތަކަށް ހަދިޔާ ކުރުމަށް ނިންމާފައިވާކަމަށެވެ.
