އާ އަހަރާއި ދިމާކޮށް ފުލުހުން ހިންގި އޮޕަރެޝަންގައި 65 މީހަކު ވަނީ ހައްޔަރުކުރެވިފައި: ފުލުހުން
ހައްޔަރު ކުރި މީހުންގެ ތެރެއިން މިހާރު ބަންދުގައި ތިބީ 19 މީހެއް
މޯލްޑިވްސް ޕޮލިސް ސާރވިސް
އާއަހަރާއި ގުޅިގެން ފުލުހުން ހިންގި އޮރެޝަނުގަ ޖުމުލަ 65 މީހަކު ހައްޔަރު ހައްޔަރުކޮށްފައިވާ ކަމަށް ފުލުހުން ބުނެފިއެވެ.
އެގޮތުން ފުލުހުން ހައްޔަރު ކޮށްފައިވަނީ އައްޑޫ ސިޓީން 15 މީހަކާއި ފުވައްމުލައް ސިޓީން 23 މީހަކާއި، މާލޭ ސިޓީން 19 މީހަކާއި، ށ. އަތޮޅުން 6 މީހަކާއި އަދި ރ. އަތޮޅުންނާއި ގދ. އަތޮޅުން އެންމެ މީހެއް ކަމަށެވެ.
ހައްޔަރު ކުރި މީހުންގެ ތެރެއިން މިހާރު ބަންދުގަ ތިބީ 19 މީހެއް ކަމަށް ފުލުހުން މަޢުލޫމާތު ދެއެވެ. އެއީ އައްޑޫ ސިޓީން 2 މީހެއް، ފުވައްމުލައް ސިޓީން 5 މީހެއް، މާލޭ ސިޓީން 7މީހެއް، ގދ. އަތޮޅުން އެކަކު އަދި ށ. އަތޮޅުން 4 މީހުންކަމަށެވެ.
އާ އަހަރާއި ދިމާކޮށް ފުލުހުން މި އޮޕަރޭޝަން ހިންގާފައިވަނީ ޑިސެންބަރު 31 އަދި ޖެނުއަރީ 1 ގައެވެ.
ފުލުހުން ވަނީ މާލޭ ސިޓީގެ އިތުރުން އަތޮޅު ތެރޭގައި ވެސް މި އޮޕެރެޝަން ހިންގާފައެވެ.
