އީޔޫއިން މަސްވެރިކަމަށް ހުރަސްއަޅަން ދެއްކޭނެ އެއްވެސް ބަހަނާއެއް މިހާރަކު ނެތް: މިނިސްޓަރ ޒަހާ
1 ޖެނުއަރީ 2020 | ބުދަ 19:08މަސްވެރިކަމުގެ ހުރިހާ ކަމެއް މިހާރު ތަރުތީބު ކުރެވެމުންދާކަމަށް ވިދާޅުވި
މިނިސްޓަރ އޮފް ފިޝަރީޒް އެންޑް މެރިން ރިސޯސަސް ޒަހާ ވަހީދު
ޔޫރަޕިއަން ޔޫނިއަން (އީޔޫ) އިން މަސްވެރިކަމަށް ހުރަސްއަޅަން ދެއްކޭނެ އެއްވެސް ބަހާނާއެއް މިހާރު ނެތް ކަމަށް މިނިސްޓަރ އޮފް ފިޝަރީޒް އެންޑް މެރިން ރިސޯސަސް ޒަހާ ވަހީދު ވިދާޅުވެއްޖެ އެވެ.
ރާއްޖެ ޓީވީގެ "ފަލަ ސުރުޚީ" ގައި ވާހަކަ ދައްކަވަމުން ޒަހާ ވިދާޅުވީ ރާއްޖެ އާއި އީޔޫ އާއި ދެމެދު އޮތީ ލޭނު މަސްވެރިކަން ވަރަށް ބޮޑަށް ގޯސްވެފައި ކަމަށެވެ.
އެހެން އެކަން ދިމާވީ ޤާނޫނާއި ޤަވާއިދާއި ޚިލާފަށް އެކަން ކުރެވުމުގެ ސަބަބުން ކަމަށެވެ.
ނަމަވެސް އެ ހުރިހާ މަރުޙަލާތައް މިހާރު ނިމިފައިވާ ކަމަށާއި ޤާނޫނުތައް އައިސް މަސްވެރިކަމުގެ ހުރިހާ ކަމެއް ތަރުތީބު ކުރެވެމުންދާ ކަމަށް މިނިސްޓަރ ވިދާޅުވިއެވެ.
މަސްވެރިކަމުގެ ސިނާާޢަތް ކުރިއެރުވުމަށް މި ސަރުކާރުން ކުރަމުންދާ މަސައްކަތްތަކަށް އަލިއްޅުއްވާލައްވަމުން، މިނިސްޓަރ ވިދާޅުވީ މަސްވެރިކަން ކުރާ އުޅަނދުތައް ޓްރެކްކުރެވޭނެ ޑިވައިސްއެއް މިހާރު އުޅަނދުތަކެއްގައި ހަރުކުރެވި އަޖުމަބެލުމުގެ މަރުޙަލާ ކުރިޔަށްދާކަމަށެވެ. އަދި އިލެކްޓްރޯނިކް އޮބްޒާރވަރ ސިސްޓަމެއްވެސް ހަރުކުރެވިފައިވާ ކަމަށް މިނިސްޓަރ ވިދާޅުވިއެވެ.
މި ވަޞީލަތްތަކުގެ އެހީގައި، ލައިސެންސް ދޫކޮށްފައިވާ ހުރިހާ އުޅަނދެއް މަސްވެރިކަން ކުރަމުންދާ ޞަރަޙައްދުތައް ވަގުތުން ވަގުތައް ދެނެގަނެވޭކަން މިނިސްޓަރ ފާހަގަ ކުރެއްވި އެވެ.
