އެފްރިކާގެ ކުރީގެ ރައީސް ޖޭކޮބް ޒޫމާގެ ކޮރަޕްޝަންގެ މައްސަލަ ތަހުގީގު ކުރަން ފަށައިފި

އެފްރިކާގެ ކުރީގެ ރައީސް ޖޭކޮބް ޒޫމާގެ މައްޗަށް ކޮރަޕްޝަނުގެ ތުހުމަތުކޮށް، މައްސަލަ ތަހުޤީޤު ކުރަން ފަށައިފިއެވެ.

އަލްޖަޒީރާގައި ރިޕޯޓުކޮށްފައިވާ ގޮތުގައި ޒޫމާގެ ވެރިކަމުގައި ކޮރަޕްޝަނުގެ ބޮޑެތި ޢަމަލު ތަކެއް ހިންގާފައިވާ ކަމަށް އެޤައުމުގެ ސަރުކާރުން ތުހުމަތުކުރެއެވެ. ނަމަވެސް ޒޫމާ ވަނީ މިތުހުމަތުތައް ދޮގުކޮށް އިންކާރުކުރައްވާފައެވެ.

ސައުތު އެފްރިކާގެ ސަރުކާރުން ބުނާ ގޮތުގައި އެޤައުމުގައި ހިންގާ ކޮރަޕްޝަނުގެ އަމަލުތަކުގެ ސަބަބުން އެގައުމުގެ އިޤުތިޞާދަށް 700 ބިލިއަން ޑޮލަރުގެ ގެއްލުން ވެފައިވެއެވެ.

ކޮރަޕްޝަނުގެ ތުހުމަތުތަކާ ގުޅިގެން މަޤާމުން ޢަޒުލް ކުރުމުގެ މަސައްކަތް ފަށާފައި ވަނިކޮށް ޒޫމާ މަޤާމުން އިސްތިޢުފާ ދެއްވާފައި ވަނީ 2018 ވަނަ އަހަރުގެ ފެބްރުއަރީ މަހުގެ 15 ވަނަ ދުވަހުއެވެ.

ޒޫމާ އިސްތިޢުފާ ދެއްވީ، އޭނާގެ މައްޗަށް ކުރެވިފައިވާ ކޮރަޕްޝަނުގެ ތުހުމަތުތަކާ ގުޅިގެން ވެރިކަމުން އިސްތިޢުފާ ދެއްވުމަށް ގޮވާލާ ،އެޤައުމުގެ ޢާންމު ރައްޔިތުންނާއި، އެމަނިކުފާނު ނިޞްބަތްވެވަޑައިގަންނަވާ އަމިއްލަ ޕާޓީ އިން ވެސް އެމަނިކުފާނަށް ފިއްތުންތައް ކުރިމަތިވެފައި ވަނިކޮށެވެ.