ބަނގުރާ ހުރި ފުޅިއަކާއެކު ލ. ގަމުން ބަޔަކު ހައްޔަރުކޮށްފި
1 ޖެނުއަރީ 2020 | ބުދަ 07:18ހައްޔަރުކޮށްފައިވަނީ 03 ފިރިހެނުންނާއި 16 އަހަރުގެ އަންހެން ކުއްޖެއް
އަމްނާ އިމާދު | 1 ޖެނުއަރީ 2020 | ބުދަ 07:18
ބަނގުރާއަޅާފަ ކަމަށް ތުހުމަތުކުރެވޭ ފުޅިތަކެއް
ބަނގުރާހުރި ފުޅިއަކާއެކު ލ. ގަމުން ބަޔަކު ހައްޔަރުކޮށްފިއެވެ.
ފުލުހުން ބުނީ މި މީހުން ހައްޔަރުކުރީ ޕޮލިސް އިންޓެލް އާއި ލ. ގަން ޕޮލިސް ގުޅިގެން ހިންގި އޮޕަރޭޝަނުގައި އަންގާރަ ދުވަހުގެ ރޭ 21:00 ހާއިރު ކަމަށެވެ.
އަދި މި މީހުން ހައްޔަރުކުރީ ގަމުގެ ތުނޑި ބަދަރު ދެކުނު ފަރާތުން ކަމަށާއި ހައްޔަރުކޮށްފައިވަނީ އުމުރުން 22 އަހަރާއި 33 އަހަރާއި، އަދި 40 އަހަރުގެ ދިވެހި ފިރިހެނުންގެ އިތުރުން އުމުރުން 16 އަހަރުގެ އަންހެއް ކުއްޖެއް ކަމަށް ފުލުހުން ބުނެއެވެ.
އެމީހުންގެ އަތުން ބަނގުރާ ހުރި 500 އެމްއެލްގެ ފުޅިއެއް ފެނިފައިވާ ކަމަށް ވެސް ފުލުހުން ބުންޏެވެ.
މި މައްސަލަ ފުލުހުން ދަނީ އިތުރަށް ތަހުގީގު ކުރަމުންނެވެ.
