ކޯޓު އަމުރެއްގެ ދަށުން ގެއެއް ބަލާފާސްކޮށް 04 މީހަކު ހައްޔަރުކޮށްފި
31 ޑިސެމްބަރު 2019 | އަންގާރަ 18:38ފުލުހުން އެގެއަށް ވަނުމުން ބަނގުރާފުޅުތައް މަގުމައްޗަށް އުކާލި
ފުލުހުން ކުރިއަށް ގެންދިޔަ އޮޕަރޭޝަނެއްގެ ތެރެއިން
ކޯޓު އަމުރެއްގެ ދަށުން ގެއެއް ބަލާފާސްކޮށް މަސްތުވާތަކެތި ކަމަށް ޝައްކުކުރެވޭ ތަކެއްޗާއެކު 04 މީހަކު ހައްޔަރުކޮށްފިއެވެ.
ފުލުހުން ބުނީ ފުލުހުންނަށް ލިބުނު ޖާސޫސީ މަޢުލޫމާތަކާ ގުޅިގެން 2019 ޑިސެންބަރު 31 ވަނަ ދުވަހުގެ 19:22 ކަންހާއިރު ކޯޓު އަމުރެއްގެ ދަށުން ފުލުހުންގެ ޑްރަގް އެންފޯސްމެންޓް ޑިޕާޓްމެންޓުން މާފަންނުގަ ހުރި ގެއެއް ބަލާފާސްކުރަން އެގޭތެރެއަށް ވަތް ތަނުން އެގޭގެ ބެލްކަނީގަ ހުރި މީހަކު ބަނގުރާފުޅިތައް މަގުމައްޗަށް އުކާލާފައިވާ ކަމަށެވެ.
ފުލުހުން ބުނީ އެގެ ބަލާފާސްކުރި ކުރުމުން ދެ ދަޅު، އެއްފުޅި ބަނގުރާ އަދި މަސްތުވާތަކެތި ކަމަށް ބެލެވޭ އެއްޗެއްހުރި ދެ ތެޔޮޕީސް އަދި 05 ރަބަރު ޕެކެޓް ފެނިފައިވާ ކަމަށެވެ.
މިމައްސަލައިގަ 04 ދިވެހި ފިރިހެނުން ހައްޔަރުކޮށްފައިވާ ކަމަށް ފުލުހުން މަޢުލޫމާތުދެއެވެ.
މިމައްސަލަ ފުލުހުން ދަނީ ތަހުޤީޤު ކުރަމުންނެވެ.
