ލީޑަރޝިޕް ފޮރ ކޮމިއުނިޓީ ބިލްޑިންގް ވާރކްޝޮޕް ވިއެމް އިން ނިންމާލައިފި
މި ވާރކްޝޮޕް ކުރިއަށްގެންގޮސްފައިވަނީ ތިން ދުވަހުގެ މުއްދަތަށް
ލީޑަރޝިޕް ފޯ ކޮމިއުނިޓީ ބިލްޑިންގް ވާރކްޝޮޕްގެ ތެރެއިން
ވިމެން އެންޓަރޕްރިނިއަރސް އެސޯސިޝަން (ވިއަމް) ހިންގި ލީޑަރޝިޕް ފޮރ ކޮމިއުނިޓީ ބިލްޑިންގް ވާރކްޝޮޕް ނިންމާލައިފިއެވެ.
މި މަހުގެ 26 އިން 28 އަށް ކުރިޔަޑށްގެންދިޔަ މި މަސައްކަތު ބައްދަލުވުން ޖުމުލަ 31 އަންހެން ބޭފުޅުން ފުރިހަމަކުރިއެވެ.
ވާރކްޝޮޕްގެ ބައިވެރިންނަށް ސެޓްފިކެޓް ދިނުމުގެ ރަސްމިއްޔާތު ހޮނިހިރު ދުވަހު ބާއްވާފައިވަނީ ކަސްޓަމްސް ބިލްޑިންގައެވެ. މި ރަސްމިއްޔާތުގައި ވާހަކަ ދައްކަވަމުން ވިއަމްގެ ޗެއަރޕަރސަން ޝާއިރާ ސަލީމް ވިދާޅުވީ މި ވާރކްޝޮޕް ނިންމާލެވިފައި މިވަނީ ވަރަށް ކާމިޔާބުކަމާއެކީ ކަމަށާއި މި ވާރކްޝޮޕްގެ ޒަރިއްޔާ އިން ބައިވެރިންނަށް ގިނަ ކަންތައްތަކެއް ދަސްވެގެންދިޔަ ކަމަށް އުންމީދު ކުރައްވާ ކަމަށެވެ.
ވިއަމްގެ ފަރާތުން ކުރިއަށް ގެންދިޔަ ވާރކްޝޮޕްގެ މަޤްސަދަކީ އަންހެނުން ބާރުވެރިކުރުވުމާއި އަންހެނުންގެ ކިބައިގައި ލީޑަރޝިޕް ހުނަރު އަށަގެންނެވުމެވެ. ވިއަމްގެ ފަރާތުން އިތުރަށް ބުނީ ވާރކްޝޮޕްގެ ތެރެއިން ކުރިއަށް އޮތް ލޯކަލް ކައުންސިލް އިންތިޚާބުގަ އަންހެނުން ވާދަކުރުމަށް ހިތްވަރުދީފައިވާ ކަމަށެވެ. ކުރިއަތް އޮތް ލޯކަލް ކައުންސިލް އިންތިޚާބާ ދިމާކޮށް، އަންނަ އަަހަރު ވެސް މިފަދަ އިތުރު ވާރކްޝޮޕެއް ހިންގަން ހަމަޖެހިފައިވާ ކަމަށް ވިއަމްއިން ބުނެއެވެ.
މި ވާރކްޝޮޕްގަ މާލެސިޓީ އައްޑޫސިޓީ ހއ. އަތޮޅު، ހދ. އަތޮޅު، ގދ. އަތޮޅުގެ އިތުރުން ރ. އަތޮޅު ނ. އަތޮޅުން ވެސް އަންހެން ބޭފުޅުން ބައިވެރިވި ކަމަށް ވިއަމް އިން ބުނެއެވެ.
