ޓެކްސްގެ ބޭނުމަށް މީރާގައި އޮޑިޓަރުން ރަޖިސްޓްރީ ކުރުން ހުއްޓާލައިފި

ޓެކްސްގެ ބޭނުމަށް މޯލްޑިވްސް އިންލެންޑް ރެވެނިއު އޮތޯރިޓީ (މީރާ)ގައި އޮޑިޓަރުން ރަޖިސްޓްރީ ކުރުން ހުއްޓާލައިފިއެވެ.

މީރާއިން ނެރުނު ސަރކިއުލަރގައި ބުނެފައިވަނީ ވަނީ ވިޔަފާރީގެ ފައިދާއިން ޓެކްސް ނެގުމުގެ ގާނޫނު އުވިގެން ދާތީވެ އެ ގާނޫނުގެ ބޭނުމަށް އޮޑިޓަރުން ރަޖިސްޓްރީ ކުރުމުގެ މަސައްކަތް މި މަހުގެ 25 ވަނަ ދުވަހުން ފެށިގެން ހުއްޓާލާފައިވާ ކަމަށެވެ. ނަމަވެސް މީރާގައި އޮޑިޓަރުންގެ ދަފުތަރުގައި މި ވަގުތު ތިބި ފަރާތްތަކަށް މި މަހުގެ 31 ވަނަ ދުވަހުގެ ނިޔަލަށް ހުށަހަޅާ ބީޕީޓީ ބަޔާންތަކާއެކު، އެ އޮޑިޓަރަކު ރަޖިސްޓްރީ ކުރެވިފައިވާ ކެޓަގަރީއާ ތައާރަޒު ނުވާ ގޮތަށް ހުށަހަޅާ އޮޑިޓަރުގެ ރިޕޯޓުގައި ސޮއިކުރެވޭނެ ކަމަށް މީރާއިން ބުނެފައިވެއެވެ.

އާމްދަނީން ޓެކްސް ނެގުމުގެ ބިލު ރައީސް އިބްރާހިމް މުހައްމަދު ސާލިހް ތަސްދީގު ކުރެއްވުމާއެކު އަންނަ އަހަރުގެ ފުރަތަމަ ދުވަހުން ފެށިގެން ވިޔާރީގެ ފައިދާއިން ޓެކްސް ނެގުމުގެ ގާނޫ އުވި ބީޕީޓީ ނެގުން ހުއްޓިގެންދާނެއެވެ.

އިންކަމް ޓެކްސް ނަގާނީ، މަހެއްގެ މައްޗަށް 60،000 ރުފިޔާ އިން މަތީގެ އާމްދަނީ ލިބޭ މީހުންގެ އަަތުންނެވެ.