ސިޓީތަކުގެ އިންތިޚާބީ ދާއިރާ ތަކުގެ ނަންތަކާއި ގުޅޭ ގޮތުން ޚިޔާލު ހުށަހެޅުމުގެ ފުރުސަތު ހުޅުވާލައިފި
26 ޑިސެމްބަރު 2019 | ބުރާސްފަތި 12:17އެއްވެސް ޚިޔާލެއް އޮތް ނަމަ މިމަހުގެ 29 ވަނަ ދުވަހުގެ ކުރިން ހުށަހެޅުމަށް އީސީން ވަނީ އެދިފައި
އިލެކްޝަންސް ކޮމިޝަންގެ ބައެއް މެންބަރުން | އިލެކްޝަންސް ކޮމިޝަން
ކުރިއަށް އޮތް ލޯކަލް ކައުންސިލް އިންތިޚާބުގައި ސިޓީތަކުގެ އިންތިޚާބީ ދާއިރާތަކަށް ދެވިފައިވާ ނަންތަކާއި ގުޅޭ ގޮތުން ޚިޔާލު ހުށަހެޅުމުގެ ފުރުޞަތު އިލެކްޝަންސް ކޮމިޝަނުން ހުޅުވާ ލައިފިއެވެ.
ބުރާސްފަތި ދުވަހު އިލެކްޝަންސް ކޮމިޝަނުން ކޮށްފައިވާ ޓްވީޓުގައި ވަނީ ސިޓީތަކުގެ އިންތިޚާބީ ދާއިރާތަކަށް ދެވިފައިވާ ނަންތަކާއި ގުޅޭ ގޮތުން އެއްވެސް ޚިޔާލެއް އޮތް ނަމަ މިމަހުގެ 29 ވަނަ ދުވަހުގެ ކުރިން ހުށަހެޅުމަށެވެ.
އެ ކޮމިޝަނަށް ސިޓީއަކުން ނުވަތަ އީމެއިލް މެދުވެރިކޮށް ނުވަތަ އީސީގެ ޓުވިޓަރ އަދި ފޭސްބުކް މެދުވެރިކޮށް ޚިޔާލު ހުށަހެޅޭނެ ކަމަށް އީސީން ބުންޏެވެ.
ލޯކަލް ކައުންސިލްތަކުގެ އިންތިޚާބާއި އަންހެނުންގެ ތަރައްޤީއަށް މަސައްކަތް ކުރާ ކޮމިޓީގެ ސިޓީތަކުގެ އިންތިޚާބީ ދާއިރާތަކަށް ދެވިފައިވާ ނަންތަކަކީ:
އަންނަ އަހަރުގެ އެޕްރީލް މަހު ބާއްވާ ލޯކަލް ކައުންސިލް އިންތިޚާބަކީ މިފަހުން ރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނަށް ގެނައި އައު އިޞްލާޙުތަކަށް ފަހު ބޭއްވޭ ފުރަތަމަ އިންތިޚާބެވެ.
މި ޤާނޫނަށް ގެނައި މައިގަނޑު އިޞްލާޙުތަކުގެ ތެރޭގައި ކައުންސިލްތަކުގެ ދައުރު ފަސް އަހަރަށް އިތުރުކުރުމާއި، ހުރިހާ ކައުންސިލްތަކަކުން 33 އިންސައްތަ އަންހެނުންނަށް ޚާއްޞަ ކުރުމުގެ އިތުރުން، ކައުންސިލްތަކަށް އަމިއްލަ ނަމުގައި ވިޔަފާރިކުރުމުގެ ބާރުތައް ހިމެނެއެވެ.
