ރާއްޖޭގެ އެކި ސަރަހައްދުތަކުގައި ކޭތަ ނަމާދުކޮށްފި
26 ޑިސެމްބަރު 2019 | ބުރާސްފަތި 04:48ރަށްރަށުގައި ކޭތަ ނަމާދު ކޮށްފައިވަނީ އެ ރަށު އެންމެ ބޮޑު މިސްކިތުގައި
ބުރާސްފަތި ދުވަހު ރާއްޖެއަށް ހިފި އިރު ކޭތަ
ބުރާސްފަތި ދުވަހު އިރުކޭތަ ހިފުމާއި ގުޅިގެން މާލެ އާއި ރާއްޖޭގެ މީހުން ދިރިއުޅޭ ހުރިހާ ރަށެއްގައި ކޭތަ ނަމާދު ކޮށްފިއެވެ.
މާލޭގައި ކޭތަ ނަމާދު ކޮށްފައި ވަނީ އަލްއުސްތާޒު ޣާޒީ މުހައްމަދު ތަކުރުފާނުލް އަޢްޒަމް (އިސްލާމީ މަރުކަޒު) ގައެވެ.
ހުޅުމާލޭގައި ކޭތަ ނަމާދު މަސްޖިދުއް ޝައިޚް ގާސިމް ބިން މުޙައްމަދު އާލް ޘާނީ ގައި ކޮށްފައިވާއިރު ވިލިގިލި ގައި ނަމާދުކޮށްފައިވަނީ މަސްޖިދުލް ބިއްރިގައެވެ.
މީހުން ދިރިއުޅޭ އަތޮޅުތަކުގެ ރަށްރަށުގައި ކޭތަ ނަމާދު ކޮށްފައިވަނީ ކޮންމެ ރަށެއްގެ ވެސް އެރަށެއްގެ އެންމެ ބޮޑު މިސްކިތެއްގައެވެ.
މި ކޭތަ ހިފާފައިވަނީ އުތުރުގެ ރަށްރަށަށް 08:51 ހާއިރުއެވެ. އަދި ދެކުނުގެ ސަރަހައްދުތަކަށް 09:01 ހާއިރުއެވެ. މާލެ ސަރަހައްދަށް ކޭތަ ހިފާފައިވަނީ 08:56 ހާއިރުއެވެ. މިއީ މި އަހަރު ހިފާ އެންމެ ފަހު އިރުކޭތައެވެ.
