ކ. މާލެ
|
25 ޑިސެންބަރ 2019 | ބުދަ 03:27
އިންޑިޔާގައި ހިނގަމުންދާ މުޒާހަރާތަކުގެ ތެރެއިން
އިންޑިޔާގައި ހިނގަމުންދާ މުޒާހަރާތަކުގެ ތެރެއިން
ފްރާންސް 24
އިންޑިޔާ
މުޒާހަރާ ތަކާއި ގުޅިގެން ސަލާމަތީ ކަންކަން އިންޑިޔާގައި ވަރުގަދަކޮށްފި
 
ކްރިސްމަސް އާއި އާ އަހަރާ ދިމާކޮށް 20 ކަށް އެއްވުން އެ އިސްލާހާ އެއްކޮޅަށާއި ދެކޮޅަށް ބޭއްވުމަށް އަންނަނީ ތައްޔާރު ވަމުން
 
ކްރިސްމަސް އާއި އާ އަހަރާ ދިމާކޮށް އެގައުމުގެ ހުރިހާ ސެކިޔުރިޓީ އޮފިޝަލުން ޑިޔުޓީއަށް ނިކުންނަން ޖެހޭ
 
ސަލާމަތީ ކަންކަން ވަރުގަދަކޮށް ބައެއް ހިސާބުތަކުން އިންޓަރނެޓް ވަނީ ކަނޑާލާފައި

ރަށްވެހިކަމުގެ ޤާނޫނަށް ގެނައި އިސްލާހާ ގުޅިގެން އިންޑިޔާގެ އެކި ހިސާބުތަކުގައި ކުރަމުންދާ މުޒާހަރާތަކުގެ ސަބަބުން އެގައުމުގެ ކަމާބެހޭ ފަރާތްތަކުން ސަލާމަތީ ކަންކަން ވަރުގަދަކޮށް ބައެއް ހިސާބުތަކުން އިންޓަރނެޓް ކަނޑާލައިފިއެވެ.

ރަށްވެހިކަމުގެ ޤާނޫނާ ގެނައި އިސްލާހާ ދެކޮޅަށް އެތައް ހާސް ބަޔަކު މަގުތަކަށް ނިކުމެ މުޒާހަރާތައް ބާއްވަމުން ދަނިކޮށް ވެރިކަން ކުރާ ޕާޓީ ބީޖޭޕީން ވަނީ އެއިސްލާހާ އެއްކޮޅަށް މުޅި އިންޑިޔާގައި އެއްވުންތަކެއް ބާއްވަން ނިންމާފައެވެ.

އިންޑިޔާގެ އިންޓީރިއާ މިނިސްޓްރީގެ އޮފިޝަލެއް ބުނެފައިވަނީ ކްރިސްމަސް އާއި އާ އަހަރާ ދިމާކޮށް އެގައުމުގެ ހުރިހާ ސެކިޔުރިޓީ އޮފިޝަލުން ޑިޔުޓީއަށް ނިކުންނަން ޖެހެނޭކަމަށެވެ. އޮފިޝަލް ބުނެފައިވަނީ މުޒާހަރާތައް ކޮންޓްރޯލް ނުވެ އިތުރު ހަމަނުޖެހުންތަކަކަށް ގޮސްދާނެތީ އެކަން ހިނގައި ނުދިޔުމަށް މުޒާހަރާތައް ކޮންޓްރޯލް ކުރުމަށް ކުރީބައިގައި އާންމުން އެއްވާ ތަންތަނާއި މާރކެޓްތަކަށް ސަލާމަތީ ކަންކަން ބަލަހައްޓާ ފައުޖުތައް ނިކުންނާނެ ކަމަށެވެ.

ކްރިސްމަސް އާއި އާ އަހަރާ ދިމާކޮށް 20 ކަށް އެއްވުން އެ އިސްލާހާ އެއްކޮޅަށާއި ދެކޮޅަށް ބޭއްވުމަށް އަންނަނީ ތައްޔާރު ވަމުންނެވެ.

ރަށްވެެހިކަމުގެ ޤާނޫނަށް ގެނައި މިއިސްލާހާއެކު 2014 ވަނަ އަހަރުގެ ޑިސެމްބަރ މަހުގެ 31 ވަނަ ދުވަހުގެ ކުރިން އަފްޣާނިސްތާން، ބަންގްލަދޭޝް އަދި ޕާކިސްތާނުން އިންޑިޔާއަށް އެތެރެފައިވާ ހިންދޫން، ސިކުން، ބުޑިސްޓުން، ކްރިސްޓިއަނުން، ޕާސިސް އިންނަށް އިންޑިޔާގެ ރަށްވެހިކަން ލިބިގެންދާނެއެވެ. ޑިސެމްބަރ 11 ގައި މިއިސްލާހު ފާސްވެގެންދިޔުމާއެކު އިންޑިޔާގެ އެކި ހިސާބުތަކުގައި އަންނަނީ މުޒާހަރާތައް ކުރަމުންނެވެ. ވަކިން ޚާއްސަކޮށް ބަންގްލަދޭޝްގެ ބޯޑަރ ކައިރީގައި އޮންނަ އައްސާމްގައި އަންނަނީ ވަރުގަދަ އަށް މުޒާހަރާތައް ކުރަމުންނެވެ.

މިމުޒާހަރާތަކުގައި މިހާތަނަށް 21 މީހުން މަރުވެފައިވާއިރު 2000 މީހުން މުޒާހަރާތަކުގައި ހައްޔަރުކޮށްފައިވެ އެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަބުދުﷲ ނަސީރު އިބްރާހިމް
0%
0%
67%
33%
0%
0%
ކޮމެންޓް